Ukraine: Uburusiya bwakoze ibyaha byo mu ntambara i Kherson – Zelensky

Inyandiko gusa
Umugore ahoberana n'umusirikare ufite indabyo mu kiganza

Ahavuye isanamu, Reuters

Insiguro y'isanamu, Umujyi wa Kherson ku wa gatanu wabohowe n'abasirikare ba Ukraine

George Wright

BBC News

Perezida wa Ukraine Volodymyr Zelensky avuga ko abakora iperereza batahuye ibyaha byo mu ntambara birenga 400 mu duce tw'i Kherson twasizwe n'abasirikare b'Uburusiya ubwo bahavaga.

Zelensky yavuze ko imirambo y'abasivile n'abasirikare yatahuwe.

BBC ntiyashoboye kugenzura ibyo birego. Uburusiya buhakana buvuga ko abasirikare babwo batibasira abasivile ku bushake.

Hagati aho, abategetsi bo muri Ukraine bashyizeho igihe cy'umukwabu ndetse bagabanya ingendo zijya n'iziva i Kherson.

Skip content and continue reading

End of content

Mu ijambo ryo mu buryo bwa videwo avuga buri joro, Zelensky yagize ati: "Mu karere ka Kherson, igisirikare cy'Uburusiya cyasize inyuma ubwicanyi ndengakamere bumeze nk'ubwo cyasize mu tundi turere tw'igihugu cyacu, aho cyashoboye kwinjira.

"Tuzagera kuri buri mwicanyi kandi tumushyikirize ubutabera. Nta gushidikanya".

Skip Ibisomwa cane and continue reading
Ibisomwa cane

End of Ibisomwa cane

Skip podcast promotion and continue reading
WhatsApp channel ya BBC Gahuza

Amakuru ya BBC Gahuza ako kanya kuri WhatsApp yawe

Kanda hano ujyeho

End of podcast promotion

Kuva intambara yatangira, imva zishyinguyemo abantu mu kivunge zatahuwe mu duce nka Bucha, Izyum na Mariupol. Ukraine yashinje abasirikare b'Uburusiya kuba ari bo bakoze ubwo bwicanyi ndengakamere.

Mu kwezi gushize, akanama k'umuryango w'abibumbye (ONU/UN) kavuze ko ibyaha byo mu ntambara byakozwe muri Ukraine kandi ko abasirikare b'Uburusiya ari bo bakoze "byinshi cyane" mu bikorwa byo guhonyora uburenganzira bwa muntu byo mu ntangiriro y'igitero cyabwo.

Umujyi wa Kherson ni wo wari umurwa mukuru w'akarere wonyine wafashwe n'Uburusiya kuva bwagaba igitero kuri Ukraine mu kwezi kwa kabiri uyu mwaka.

Aka karere, hamwe n'utundi turere dutatu, mu kwezi kwa cyenda Perezida w'Uburusiya Vladimir Putin yatangaje ko kabaye ak'Uburusiya, mu muhango wabereye i Moscou.

Ariko umujyi wa Kherson ku wa gatanu wabohowe n'abasirikare ba Ukraine. Imbaga y'Abanya-Ukraine bazunguza amabendera y'igihugu cyabo basanganiye abasirikare ba Ukraine babahobera ndetse banabasoma.

Abategetsi baho baratahutse ngo basubire ku butegetsi bwa Kherson, nyuma yuko abasirikare b'Uburusiya bagera ku 30,000 bari barigaruriye uwo mujyi bahavuye.

Abanya-Ukraine babibona nk'intsinzi ikomeye yo ku rwego rw'igihugu n'igisebo ku Burusiya, ku rwego rumwe n'ukuntu abasirikare b'Uburusiya bavuye mu nkengero z'umurwa mukuru Kyiv mu kwezi kwa gatatu.