Coup d’Etat muri Burkina Faso : Lieutenant-Colonel Paul-Henry Sandaogo Damiba ni nde?

Inyandiko gusa
Une capture d'écran d'une vidéo montre le Capitaine Kader Ouedraogo s'exprimant sur la télévision d'État " RTB " à Ouagadougou, au Burkina Faso, le 24 janvier 2022.

Ahavuye isanamu, Anadolu Agency

Insiguro y'isanamu, Ifoto yafashwe kuri video yerekana Capitaine Kader Ouedraogo ariko ashikiriza ijambo ku mboneshakure y'igihugu "RTB" i Ouagadougou, muri Burkina Faso, itariki 24 z'ukwezi kwa mbere mu 2022. Lieutenant-colonel Paul-Henry Sandaogo Damiba yicaye i buryo bwiwe.

Umuhari 'Le Mouvement Patriotique pour la Sauvegarde et la Restauration' urongowe na Lieutenant-Colonel Paul-Henri Sandaogo Damila. Ariko none uwo akuye ubutegetsi bwa prezida Roch Marc Kabore ni nde?

Lieutenant-Colonel Paul-Henri Sandaogo Damiba w'imyaka 41, n'umusirikare mukuru mu bagwanira ku butaka muri Burkina Faso. Yahora arongoye intara ya gatatu ya gisirikare irimwo na Ouagadougou, umugwa mukuru.

Colonel Damiba yahoze ari mu basirikare bacungera umukuru w'igihugu, yahoze acungera ubuzima bwa Blaise Compaore, imbere y'uko bavana mu 2011 inyuma y'igumuka ry'igisirikare.

Mu 2015, ari mu basirikare bakuru biyamirije itembegazwa ry'ubutegetsi n'ico gisata nyene c'abasirikare bacungera umukuru w'igihugu, urwo rwego rukaba rwaciye rufutwa. Yarahamagawe nk'icabona mu rububanza kuko yari yavuganye umwanya muremure na Gen Djibril Bassole.

Kuva mu 2016, ari imbere mu ntambara yo kugwanya iterabwoba.

Yaragiye mu mahugurwa nka yose ahariwe ibisata vya gisirikare bidasanzwe. Yarananditse n'igitabo citwa: Armées ouest-africaines et terrorism : réponses incertaines?

Paul-Henri Damiba yararongoye ibisata vyinshi vya gisirikare harimwo Dori na Ouahigouya, intara yiziziwe n'ibitero.

Prezida wa Mouvement Patriotique pour la Sauvegarde et la Restauration biganye na Emmanuel Zoungrana, yahagaritswe itariki 8 z'uku kwezi kwa mbere 2022 yagirizwa gushaka kubangamira umutekano w'igihugu.