Burkina Faso yamuritse ishusho ‘ikosoye’ ya Thomas Sankara

Inyandiko gusa
Ishusho ya Thomas Sankara

Ahavuye isanamu, AFP/BBC

Insiguro y'isanamu, Ibumoso ni ishusho yamuritswe mu kwa gatatu umwaka ushize, iburyo ni iyamuritswe uyu munsi

Nyuma y'uko abantu binubiye ko ishusho ya mbere idasa n'iyi mpirimbanyi y'impinduramatwara, umwaka umwe nyuma Burkina Faso yamuritse ishusho nshya ya Thomas Sankara.

Minisitiri w'ububanyi n'amahanga w'iki gihugu Alpha Barry yabwiye RFI ati: "Biragoye kuvuga ko isa 100% na Thomas Sankara ariko icyo dufite ubu kiramwerekana, kandi nicyo cya ngombwa".

Avuga ko leta yashyigikiye cyane uyu mushinga kugira ngo ube urwibutso rukwiye iryo zina.

Urebye neza iyi shusho y'ubugeni nshya ubona ko amaso n'ibindi bice bimwe byasubiwemo biranozwa.

Imurikwa ry'iyi shusho ryakuriye abantu benshi

Ahavuye isanamu, AFP

Insiguro y'isanamu, Imurikwa ry'iyi shusho ryakuriye abantu benshi
Iyi shusho yakozwe n'umunyabugeni umwe - Jean Luc Bambara

Ahavuye isanamu, AFP

Insiguro y'isanamu, Iyi shusho yakozwe n'umunyabugeni umwe - Jean Luc Bambara
Biboneka ko bamwe bishimiye ishusho yamuritswe ejo

Ahavuye isanamu, AFP

Insiguro y'isanamu, Biboneka ko bamwe bishimiye ishusho yamuritswe ejo

Jean Luc Bambara, wakoze iyi shusho yayisubiyemo umwaka ushize nyuma y'uko inenzwe ko idasa na Sankara.

Uyu munyabugeni avuga ko ubushize icyabaye ari uko umushongi wa 'bronze' bari bakoresheje washonze kubera ubushyuhe burenze 45C, bigatuma ibice bimwe by'iyi shusho bita umwimerere.

Thomas Sankara, wabaye ikitegererezo cya benshi mu myaka ya 1980 aracyakomeje gufatwa na benshi nka "Che Guevara wa Afurika".

Yageze ku butegetsi mu 1983 azana impinduka zidasanzwe zigamije kurwanya ruswa no guteza imbere ibikorerwa mu gihugu.

Skip Ibisomwa cane and continue reading
Ibisomwa cane

End of Ibisomwa cane

Yahinduye izina ry'igihugu kitwaga Haute Volta akita Burkina Faso busobanuye "ubutaka b'inyangamugayo".

Ishusho ye yamuritswe ejo ku cyumweru mu murwa mukuru Ouagadougou aho yiciwe tariki 15/10/1987 n'itsinda ry'abasirikare mu gikorwa n'ubu kikirimo amayobera.

Yari afite imyaka 37 gusa.

Sankara afatwa na benshi nk'intwari yaharaniye iterambere n'agaciro bya Afurika

Ahavuye isanamu, Getty Images

Insiguro y'isanamu, Sankara afatwa na benshi nk'intwari yaharaniye iterambere n'agaciro bya Afurika

Amafoto ni aya AFP na Getty Images