Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Igipolisi ca Zimbabwe cibaza ko abantu 30 bashobora kuba basize ubuzima mu birombwe
Igipolisi mu gihugu ca Zimbabwe kivuga ko gifise ubwoba bw'uko abantu mirongo itatu bashobora kuba barasize ubuzima mu kirombwe nyuma y'imyuzure yatewe n'imvura nyinshi.
Ubu bariko barakura amazi mu mihora ijana mu birombwe bibiri biri hafi y'umuji wa Kadoma, mu bumanuko bushira uburengero bw'umurwa mukuru Harare.
Imigwi y'abajejwe gutabara ivuga ko ata cizere ifise co kubona abakiri bazima.
Ikigo cimba inzahabu, Rio Zimbabwe, nyene kimwe muri ivyo birombwe, kivuga ko hari abantu binjiye mu kirombwe batavyemerewe ngo kuko umuhora baciyemwo wari warugawe.
Abo bimvyi b'ubutare bivugwa ko bamanutse mu kuzimu ku mugoroba wo ku wa kabiri imbere y'uko imvura nyinshi imena urugomero, bituma haba imyuzure.
