Trump na Kim Jong-un bimirije kubonana ubwa kabiri mu mpera z'ukwa Kabiri

Inyandiko gusa
US President Donald Trump (R) meets with North Korea's leader Kim Jong Un (L) at the start of their US-North Korea summit, at the Capella Hotel on Sentosa Island in Singapore, 12 June 2018

Ahavuye isanamu, AFP

Insiguro y'isanamu, The Singapore summit was the first such meeting for a sitting US president

Ibiro White House vyamenyesheje ko Perezida wa Amerika Donald Trump yimirije kubonana n'indongozi ya Korea ya Ruguru Kim Jong-un ubugira kabiri, mu mpera z'ukwezi kwa Kabiri.

Iryo tangazo risohowe inyuma yaho Bwana Trump abonaniye n'umuhuza mu biganiro wa Korea ya Ruguru, Kim Yong-chol ku biro White House.

Yari yitezwe gushikiriza Bwana Trump ikete rya Kim Jong-un.

Nta ntambwe iboneka yashitsweko ku vyo bumvikanyeko mu biganiro vy'i Singapour vyo mu kwezi kwa Gatandatu kurangiye ku vyerekeye ibigwanisho ruhonyanganda.

Ntivyamenyeshejwe aho iyo yindi nama izobera.

Binugwanugwa ko ishobora kubera mu gihugu ca Vietnam.

Urugendo rwa Kim Yong-chol i Washington ni ikimenyetso ko hari ibikogwa ku bijanye n'ikibazo c'ibigwanisho vya "nucléaire", nkuko bivugwa n'umumenyeshamakuru wa BBC, Barbara Plett Usher.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Ntawuramenya ikiri mw'ikete ryarungitswe na Kim Jong-un ariko abantu bibaza ko ryoba ririmwo insiguro z'ingene iyo nama ya kabiri yogenda, nkuko uwo mumenyeshamakuru abandanya avuga.

Skip Ibisomwa cane and continue reading
Ibisomwa cane

End of Ibisomwa cane

Perezida Trump avuga ko arindiranye igishika ivyo biganiro.

Umunyamabanga wiwe ku bijanye n'itangazamakuru Sarah Sanders, yavuze inyuma y'uwo mubonano wo mu biro White House ko hari intambwe mu biganiro bijanye no kugabanya ibigwanisho ruhonyanganda ariko yongera ati: "Leta Zunze Ubumwe za Amerika zizobandanya zishira umukazo n'ibihano kuri Korea ya Ruguru."