Trump na Kim bashitse muri Singapour aho bagiye kubonanira

Inyandiko gusa
Abo bagabo babiri bashitse mu bihe bitandukanijwe n'amasaha menshi

Ahavuye isanamu, Reuters/Getty Images

Insiguro y'isanamu, Abo bagabo babiri bashitse mu bihe bitandukanijwe n'amasaha menshi

Prezida wa Amerika Donald Trump n'indongozi ya Korea ya Ruguru Kim Jong-un bashitse mu gihugu ca Singapour aho bategekanya kugirira umubonano.

Bwana Trump yajanywe n'indege Air Force One, haheze amasaha Bwana n'abamuherekeje bashitse.

Inama izoba ibaye iya mbere ihuje indongozi ya Korea ya Ruguru n'umukuru w'igihugu ca Amerika ari ku butegetsi, izobera mw'ihoteli iri kw'izinga rya Sentosa ku munsi wa kabiri.

Bwana Trump yafashe iyo nama ko ari "ingunga imwe" yo kurondera amahoro, ko bose bahuriye mu "gihugu batazi".

Imodoka bivugwa ko yari ireruye Kim Jong-un

Ahavuye isanamu, Reuters

Insiguro y'isanamu, Imodoka bivugwa ko yari ireruye Kim Jong-un

Amerika yizeye ko iyo nama izotanguza inzira yotuma Bwana Kim atangura kuvirira umugambi wiwe w'ibigwanisho vya "nucléaire".

Abo bategetsi babiri baragiraniye imigenderanire yagiye icumbagira muri ano mezi 18, baterana imikomo bongera bagabishanya guterana imbere yuko ingendo ihinduka bakumvikana ko bohura amaso mu yandi.