Umugabo ukekwa gutera igisasu bisi y'ikipe ya Borussia Dortmund avuga ko 'atari agamije kwica'

Inyandiko gusa
Uyu mugabo ufite ubwenegihugu bw'uburusiya n'ubudage azwi nka Sergei W

Ahavuye isanamu, AFP

Insiguro y'isanamu, Uyu mugabo ufite ubwenegihugu bw'uburusiya n'ubudage azwi nka Sergei W

Umugabo uri kuburanishwa mu Budage ku byaha birimo kugerageza kwica yemeye ko yaturikije ibisasu warimo ikipe ya Borussia Dortmund mu mwaka ushize.

Icyo gihe umukinnyi n'umupolisi barakomeretse. Ikipe yari iri mu rugendo ijya mu mukino wa Champions League mu kwezi kwa Kane.

Uregwa wamenyekanye nka Sergei W w'imyaka 28, ahakana icyaha cyo kugerageza kwica, avuga ko atigeze agambira kugira uwo agirira nabi.

Bisi ya Dortumund yagabweho igitero mu kwezi kwa Kane 2017 iri mu nzira ijya mu mukino na Champions League na AS Monaco

Ahavuye isanamu, EPA

Insiguro y'isanamu, Bisi ya Dortumund yagabweho igitero mu kwezi kwa Kane 2017 iri mu nzira ijya mu mukino na Champions League na AS Monaco

Abashinjacyaha bavuga ko uyu mugabo ufite ubwenegihugu bw'Uburusiya n'Ubudage, yari yaraguze imigabane muri iyi kipe yizera ko yari kungukira mu kugwa kwayo kw'ibiciro.

Banerekana ibimenyetso by'ukuntu yanagerageje kuyobya uburari bwo kwerekana ko iki gitero cyari cyateguwe n'umutwe wa Islamic State.