Ateb y Carw: Llŷr Evans

Mae'n fis y Nadolig, ac mae 'na garw wedi cyrraedd pencadlys Cymru Fyw a chymryd gofal o gwestiynau Ateb y Galw! Yr actor Llŷr Evans gafodd ei holi gan y carw am ei hoff bethau dros ŵyl y Nadolig.

Ofn Siôn Corn drwy'n nhin ac allan pan ddoth o i'r ysgol feithrin yng nghanolfan St Johns yn Rhuthun.

Lle ddim yn bwysig, cyn belled bod fi efo'n nheulu ac ymysg ffrindiau.

Ar ddiwedd y 1980au, sgwâr Rhuthun oedd y lle i fod ar nos calan. Ar y dôl, skint, a dim cyfrifoldebau, a llond lle o bobl yn dathlu - hyfryd.

Terry's Chocolate Orange

Terry's Chocolate Orange

Beth sy'n rhoi gwên ar fy ngwyneb pob Dolig yw Panto da.

A'r un gorau o bell ffordd ydy Rock 'n' Roll Panto Theatr Clwyd. Cast o actorion gwych sydd hefyd yn gerddorion medrus, a phob blwyddyn ers dros ugain mlynedd y dame ydy Phyl Harries, a mae o'n arwain y sioe yn gelfydd a wedi meistroli yr union beth sydd angen i fod yn dame dda.

Cinderella ydy panto eleni, yn cynnwys caneuon Dolly Parton, Pulp, Queen a Barry White, i gyd wedi'i gyfarwyddo'n briliant gan Dan Lloyd.

Gadel y theatr pob blwyddyn â gwên mawr ar fy ngwyneb ac yn barod am yr artaith - sori yr hwyl - sydd i ddod dros yr wythnosau nesaf. Cerwch, cerwch, cerwch.

Llawer rhy broffesiynol i ddifetha cyngerdd Dolig, ond ma' gen i atgof o fy mrawd a Dafydd Iwan (dim yr un yna) yn deffro'r meirw yn mynwent eglwys Llanelidan efo'u dehongliad aflafar o Little Drummer Boy ar y trwmped.

Erioed 'di bod ar y rhestr drwg.

Ma gen i raglen dwi 'di sgwennu, Llyr Ifans Allan o Sync…Dolig, sy'n cael ei darlledu noson Nadolig ar S4C; rhaglen ddychanol sy'n edrych ar fy nhrafferthion i efo'r frwydr i gael y Dolig perffaith.

Gobeithio 'neith hwn rhoi gwên ar wyneb pawb, a rhoi fi ar ben y rhestr da.

Ti fod i ddeud It's a Wonderful Life, ond dwi 'rioed 'di weld o er bod fi 'di deud bod fi wedi ambell waith.

I fi Trading Places - 1980's classic efo Eddie Murphy a Dan Akroyd – ydi'r film Dolig orau. Er 'nes i wylio Home Alone efo cerddorfa yn yr Albert Hall Dolig dwytha; uchafbwynt penwythnos nadoligaidd yn Llunden.

Dau dad sydd bellach ddim efo ni.

Faswn i hefyd yn hoffi sheri a mins pei efo Mari Lovgreen. Fuodd y wraig a fi draw yn recordio'r podlediad Ding Dong yn ei thŷ hi yn ddiweddar. Croeso bendigedig, ond mond paned a dim cacen.

Yn lwcus i ni, o'n i 'di 'neud cacen i fynd efo ni, ond ddudodd Mari bod cacen fi'n hynod ddiflas; gutted, ges i'n siomi gan frenhines ein hamaeth!

Fe anwyd fy annwyl fab wythnos cyn y Dolig, felly yr anrheg Dolig gorau ges i 'rioed, a ga' i fyth, ydi Jacob Evans, Nadolig 2013. Diolch Lisa.

Cacen o werth i Mari Lovgreen.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.