Rhybuddion llifogydd yn dal mewn grym i rai wedi glaw trwm

Mae rhybuddion llifogydd yn dal mewn grym i rai ddydd Mawrth, yn dilyn glaw trwm ddydd Llun.

Am 16:00 ddydd Mawrth roedd rhybuddion gan Gyfoeth Naturiol Cymru, dolen allanol (CNC) yn cynnwys tri choch ac 17 o rybuddion i fod yn barod am lifogydd.

Dywedodd Gwasanaeth Tân ac Achub Canolbarth a Gorllewin a De Cymru na wnaethon dderbyn unrhyw adroddiadau am lifogydd dros nos.

Bu nifer o ffyrdd ar gau mewn mannau oherwydd llifogydd, gan gynnwys mewn sawl lle yng Ngwynedd.

Bu'r A487 ar gau hefyd rhwng Ffwrnais Dyfi a Thre'r-ddôl yng Ngheredigion, ond wedi ailagor erbyn hyn.

Yn Sir Gaerfyrddin roedd traffig araf iawn ar un ffordd yn sgil y llifogydd, sef Heol yr Orsaf, y ffordd o gylchfan yr A40 i orsaf drenau Llangadog.

Roedd nifer o ffyrdd yng Ngwynedd ar agor, ond bod angen gofal wrth yrru arnyn nhw, oherwydd dŵr.

Ymysg y rhain oedd yr A497 ym Morfa Nefyn, yr A487 rhwng Penygroes a Groeslon, yr A496 rhwng Ynys a Harlech a'r A4244 rhwng Deiniolen a Rhiwlas.

Fe wnaeth Traffig Cymru alw ar bobl ddydd Llun i wirio'r rhybuddion neu gyfyngiadau ffordd diweddaraf cyn teithio ac i ystyried a oes wir angen gwneud y daith.

Does dim rhybuddion tywydd gan y Swyddfa Dywydd ar gyfer dydd Mawrth.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.