Diagramau Venn â thair is-set

Mae’n bosib cael diagramau Venn gyda thair is-set.

Enghraifft

Gofynnwyd i grŵp o ddisgyblion pa chwaraeon byddan nhw’n chwarae yn yr ysgol.

Fe gawson nhw’r opsiynau canlynol: Pêl-droed, Hoci, Pêl-rwyd neu Dim.

Dyma restr o’r chwaraeon roedden nhw’n eu chwarae:

Chwaraeon	Enw
Pêl-droed	Thomas, Sean, Chris, Sarah, Freya, Sophie
Hoci	Noah, Thomas, Chris, Sophie, Jayne
Pêl-rwyd	Carrie, Sophie, Jayne a Alex, Freya
Dim	Melanie

Chwaraeon	Pêl-droed
Enw	Thomas, Sean, Chris, Sarah, Freya, Sophie

Chwaraeon	Hoci
Enw	Noah, Thomas, Chris, Sophie, Jayne

Chwaraeon	Pêl-rwyd
Enw	Carrie, Sophie, Jayne a Alex, Freya

Chwaraeon	Dim
Enw	Melanie

Llunia ddiagram Venn i ddangos yr wybodaeth.

Datrysiad

Diagram Venn â 3 set â labeli Pêl-droed, Hoci, a Pêl-rwyd. Mae pob set yn cynnwys enwau'r disgyblion sy'n chwarae'r chwaraeon hynny. Mae'r 3 set yn gorgyffwrdd i ffurfio 3 is-set.

Mae’r diagram hwn yn dangos i ni’n eglur pwy sy’n chwarae pa chwaraeon, ac mae hefyd yn cynnwys y disgyblion nad ydyn nhw’n chwarae unrhyw chwaraeon o gwbl, drwy osod eu henwau y tu allan i’r cylchoedd.

Set gynhwysol

Mae’r set gynhwysol yn cynnwys yr holl elfennau y mae gennyn ni ddiddordeb ynddyn nhw ar hyn o bryd.

\(ε\) = {sean, sarah, freya, chris, thomas, sophie, noah, jayne, carri, alex a melanie}

Question

Mae Carys a Maia yn mynd ar eu gwyliau.

Mae gan Carys yr eitemau canlynol i fynd gyda hi: Sychwr gwallt, sythwr gwallt, haearn smwddio bach, addasydd plwg

Gall Maia fynd â’r eitemau canlynol: Sychwr gwallt, gefeiliau cyrlio, plwg mosgito

Mae gan y ddwy ffonau symudol, ac maen nhw’n mynd i’w defnyddio i wrando ar gerddoriaeth. Mae Maia yn mynd â gorsaf ddocio ar gyfer ei ffôn a gall Carys ei ddefnyddio hefyd.

Mae cylchgrawn Just In yn rhestru’r eitemau trydanol y dylai pawb eu cael ar eu gwyliau. Dyma nhw:

Gwefrydd ffôn symudol
Clustffonau
Camera
Gwefrydd camera
Addasydd plwg
Plwg mosgito
Haearn smwddio bach
Sychwr gwallt
Gefeiliau cyrlio
Chwaraewr cerddoriaeth digidol

Cwblha’r diagram Venn i sicrhau eu bod wedi pacio’r holl bethau hanfodol ar restr Just In.

Diagram Venn â 2 set â labeli Carys a Maia. Mae'r ddwy set yn cynnwys 5 eitem. Mae'r 2 set yn gorgyffwrdd yn y canol i ffurfio is-set sy'n cynnwys 2 eitem. Mae yna 3 eitem y tu allan i'r setiau

Diagramau VennDiagramau Venn â thair is-set