Roinneadh sinteataig - eisimpleir air obrachadh a-mach
Seo mar a tha am pròiseas airson roinneadh sinteataig ag obrachadh a-mach, ceum-air-cheum.
Roinn \(3{x^3} - 4x + 5\) le \((x + 2)\) agus sgrìobh an quotient agus an còrr.
An toiseach, feuch gum bi an abairt ioma-theirmeach ann an òrdan a rèir cumhachdan teàrnaidh.
Ma tha cumhachdan a dhìth, feumaidh neoni a dhol nan àite. Tha na co-èifeachdairean \(3\), \(0\), \(- 4\) agus \(5\) aig \(3{x^3} - 4x + 5\). Tha \(0\) ann bho nach eil \({x^2}\) ann.
'S e \(x = - 2\) dòigh eile air \((x + 2)\) a sgrìobhadh. Mar sin, 's e \(- 2\) an roinniche.
Ceum a h-aon
An toiseach sgrìobh a' cheist san riochd seo:
Ceum a dhà
Thoir a-nuas a' chiad cho-èifeachdair (\(3\) san eisimpleir seo) agus sgrìobh e fon loidhne. Iomadaich e leis an roinniche (\(- 2\)) agus cuir an toradh-iomadachaidh (\(- 6\) fon ath cho-èifeachdair, ach os cionn na loidhne.
Ceum a trì
A-nis cuir an toradh-iomadachaidh a tha thu dìreach air obrachadh a-mach (\(- 6\) san eisimpleir) ris a' cho-èifeachdair os a chionn, (\(0\)). Sgrìobh an àireamh a gheibh thu bhon seo (\(- 6\)) fon loidhne. Iomadaich an àireamh ùr seo leis an roinniche (\(- 2\)) agus cuir am freagairt, (\(12\)) fon ath cho-èifeachdair.
Ceum a ceithir
Cùm ort mar seo gus nach bi an còrr luachan air fhàgail.
'S e na co-èifeachdairean aig a' qhuotient a tha anns a' chiad trì àireamhan fon loidhne agus 's e an àireamh mu dheireadh an còrr.
Bhon a tha na co-èifeachdairean aig a' qhuotient againn a-nis, bidh sinn a' sgrìobhadh na h-abairt aige le bhith a' beagachadh na h-ìre thùsail le aon.
Mar sin, anns an eisimpleir againn, 's e am freagairt:
\(3{x^3} - 4x + 5\)
\(= (x + 2)(3{x^2} - 6x + 8) - 11\)
far an e \((x + 2)\) an roinniche, \((3{x^2} - 6x + 8)\) an quotient agus \(- 11\) an còrr.
Ma chì thu gu bheil factar cumanta sa qhuotient na do fhreagairt, faodaidh tu an uair sin a shìmpleachadh. Thoir am factar gu aghaidh nan camagan agus iomadaich an roinniche – cuimhnich nach eil an t-òrdugh cudromach ann an iomadachadh.
