Fuincseanan ailseabrach agus triantanachd
Eadar-nochdaidhean graf
Ma bhios graf agad de fhuincsean cumanta, (mar abairt ioma-theirmeach shìmplidh, fuincsean triantanachd no ceàrnanach), bu chòir gum b' urrainn dhut an graf aig an fhuincsean cho-cheangailte aige a tharraing.
Thèid agad air graf an fhuincsean cho-cheangailte a sgeidseadh às aonais an fhoirmle aig an fhuincsean thùsail.
Ma dh'atharraicheas tu fuincsean anns na dòighean a leanas, bidh an aon seòrsa buaidh aca ge bith dè an seòrsa fuincsean a th' ann. Bu chòir fios a bhith agad mu bhuaidh coitcheann gach atharrachadh. Faodaidh tu cuideachd beachdachadh air a' bhuaidh air beagan phrìomh phuingean air gach graf gus do chuideachadh ag obrachadh a-mach a' ghraf cho-cheangailte.
Feumaidh tu na h-ìomhaighean aig puingean sam bith a bheirear dhut a lorg agus nota a dhèanamh dhiubh air an sgeids agad.
San eisimpleir seo tha am fuincsean bunaiteach \(y = f(x)\) air a chleachdadh. Faodaidh tu an uair sin seo a chleachdadh gus na fuincseanan co-cheangailte a tharraing.
'S e na prìomh phuingean air a' ghraf seo: \(x = - 2,\,1,\,4\)
Graf de y = f(x) + a
Le bhith a' cur-ris no a' toirt-air-falbh \(a\) chunbhalach bho fhuincsean, gluaisidh e an graf suas no sìos gu bheartagail le \(a\) aonadan.
Graf de y = -f(x)
'S e a' bhuaidh a th' aig an seo gu bheil faileas-sgàthain dhen ghraf mun \(x\)-axis.
Graf de y = f(x+a)
Le bhith a' cur-ris no a' toirt-air-falbh \(a\) chunbhalach bhon teirm \(x\) gluaisidh an graf chun an taoibh chlì no chun an taoibh dheis air an \(x\)-axis.
Graf de y = f(-x)
'S e a' bhuaidh a th' aig an seo gu bheil faileas-sgàthain dhen ghraf mun \(x\)-axis.
