Fuincseanan ailseabrach agus triantanachdFuincseanan co-cheangailte

Ma tha \(f(x) = 3x + 2\) againn ann an ceist, glè thric feumaidh sinn \(f(2)\) no \(f( - 3)\) obrachadh a-mach. Gus seo a dhèanamh, bidh sinn ag ionadachadh \(2\) no \(- 3\) airson \(x\). Mar sin, tha \(f(2) = 3(2) + 2 = 8\) agus \(f( - 3) = 3( - 3) + 2 = - 7\).

Uaireannan, ge-tà, thèid iarraidh oirnn an toradh aig fuincsean de fhuincsean obrachadh a-mach. Tha sin a' ciallachadh gum feum sinn fuincsean eile a chur an \(x\) san eisimpleir gu h-àrd.

\(f(x) = 10x + 7\)

\(g(x) = 3x\)

Obraich a-mach \(f(g(x))\)

An àite \(x\) cuir am fuincsean

\(f(g(x)) = 10(g(x)) + 7\)

\(f(3x) = 10(3x) + 7\)

\(f(g(x)) = 30x + 7\)