Diogelwch ffyrdd – pellteroedd stopio ceir - Pellter, buanedd a chyflymiad - TGAU Ffiseg Revision

Diogelwch ffyrdd – pellteroedd stopio ceir

Stopio’n ddiogel

3 car wedi’u labelu ‘1. Mae’r gyrrwr yn gweld rhwystr’, ‘2. Mae’r gyrrwr yn pwyso’r brêc’, a ‘3. Mae’r car yn stopio’. O dan y car mae ‘Pellter meddwl’, ‘Pellter brecio’ a ‘Cyfanswm y pellter stopio’.

Pan mae'n rhaid i gar stopio, mae'r cyfanswm wedi'i wneud o ddau bellter – y , a'r .

Pa ffactorau sy'n effeithio ar bellter meddwl a brecio?

Y pellter meddwl yw'r pellter mae'r car yn ei deithio wrth i'r gyrrwr ymateb.

Y pellter brecio yw'r pellter mae'r car yn ei deithio ar ôl i'r gyrrwr roi ei droed ar y brêc.

Pellter meddwl:

buanedd
pethau sy'n tynnu sylw'r gyrrwr, ee ffonau symudol
alcohol
cyffuriau
blinder
gwelededd

Pellter brecio:

buanedd
breciau wedi treulio
ffordd wlyb
màs y car
teiars wedi treulio
ffordd rewllyd

Mae'r pellter meddwl yn dibynnu ar y gyrrwr. Mae cyffuriau, alcohol, pethau sy'n tynnu sylw'r gyrrwr a blinder yn gallu effeithio ar hwn. Bydd buanedd y car hefyd yn effeithio ar y pellter hwn. Mae'r pellter brecio hefyd yn dibynnu ar fuanedd y car, màs y car, faint o draul sydd ar y breciau a'r teiars, ac arwyneb y ffordd. Bydd gan gar cyflym, trwm â theiars a breciau wedi treulio, ar ffordd wlyb neu rewllyd, bellter brecio mawr.

Buanedd car a'i bellter stopio

2 gar wedi’u labelu ’30 mya’ a ’60 mya’. Ar gyfer car 1, mae’r pellter meddwl yn 9 metr a’r pellter brecio yn 14 metr. Ar gyfer car 2, mae’r pellter meddwl yn 18 metr a’r pellter brecio yn 56 metr.

Efallai y bydd gofyn i ti chwilio am batrymau mewn pellteroedd stopio car, a sut maen nhw'n newid gyda buanedd y car. Edrych ar y diagram ac ateb y cwestiwn.

Question

Mae car yn dyblu ei fuanedd o 30 mya i 60 mya. Sut mae hyn yn effeithio ar:

a) Y pellter meddwl

b) Y pellter brecio

c) Y cyfanswm pellter stopio

Pellter, buanedd a chyflymiadDiogelwch ffyrdd – pellteroedd stopio ceir