Arian tramor a chyfraddau cyfnewidComisiwn - haenau canolradd ac uwch
Pan fyddi di’n mynd dramor, bydd yn rhaid i ti newid dy arian. Mae’n bwysig dy fod yn gwybod y gyfradd gyfnewid a'r ffi gomisiwn sy’n rhaid i ti ei thalu er mwyn cael y fargen orau bosib.
Mae rhai cwmnïau yn codi comisiwn am gyfnewid dy arian. Gall hyn fod yn:
ffi sefydlog
wedi ei gynnwys yn y gyfradd gyfnewid
canran o’r swm sy’n cael ei gyfnewid
Gall y swm rwyt ti’n ei gyfnewid ddylanwadu ar y cwmni rwyt ti’n ei ddewis.
Enghraifft
Question
Mae Anwen yn mynd ar ei gwyliau ac eisiau cyfnewid £500 i ddoleri Awstralia.
Mae Banc A yn cynnig cyfradd gyfnewid o £1 = 2.08 AUD ac yn codi ffi sefydlog o £5 fesul trafod.
Mae Banc B yn cynnig cyfradd gyfnewid o £1 = 2.02 AUD heb unrhyw gostau ychwanegol.
Pa fanc y dylai Anwen ei ddefnyddio i gael y mwyaf o ddoleri am £500?
Banc A:
£500 - £5 ffi = £495 ar ôl i’w gyfnewid.
£495 × 2.08 = 1,029.60.
Am £500, mae hi’n cael 1,029.60 AUD.
Banc B:
£500 × 2.02 = 1,010 AUD.
Hyd yn oed gyda’r ffi sefydlog, bydd yn dal i gael mwy o ddoleri Awstralia am £500 gyda Banc A gan fod y gyfradd gyfnewid maen nhw’n ei chynnig yn well.
Question
Mae Glynn angen €240 ar gyfer ei wyliau i’r Eidal.
Mae Cynilwyr Clyfar yn codi ffi trafod o £4.
Mae Trosglwyddo Arian yn ychwanegu 1.5% at nifer y punnoedd rwyt yn eu newid.
Mae’r ddau gwmni’n cynnig cyfradd gyfnewid o £1 = €1.25.
Cyfrifa faint y bydd €240 yn ei gostio i Glynn yn y ddau gwmni ac awgryma pa gwmni y dylai ei ddefnyddio a pham.
