Gwybodaeth trefnu gwyliau
Wrth drefnu gwyliau mae yna lawer o elfennau i’w hystyried megis cyrchfan, dyddiadau, amseroedd hedfan ac argaeledd gwesty.
Mae’r siart hwn yn dangos cost gwyliau mewn dau westy gwahanol.
Question
Faint fyddai’n costio i gwpl ag un plentyn aros ym Mharc Paradwys am saith noson yn ystod tymor canolig?
£480
- Mae un oedolyn yn ystod tymor canolig yn costio £205
- Mae un plentyn yn ystod tymor canolig yn costio £70
- Cyfanswm y gost ar gyfer dau oedolyn ac un plentyn = £205 + £205 + £70 = £480
Question
Mae teulu o ddau oedolyn a dau blentyn yn dymuno mynd ar wyliau yn ystod tymor isel. Maen nhw’n gallu aros am 7 neu 10 noson. Cyfrifa gostau posibl eu harhosiad ac argymhella ym mha westy dylen nhw aros.
1. Cyfrifa’r gost ar gyfer dau oedolyn a dau blentyn ar gyfer pob opsiwn.
Parc Paradwys
- Saith noson = 2 (oedolyn) × 180 = £360
- Deg noson = 2 (oedolyn) × 205 = £410
Haul y Machlud
Saith noson:
- 2 (oedolyn) × £120 + 2 (blentyn) × £65 = £240 + £130 = £370
Deg noson:
- 2 (oedolyn) × £130 + 2 (blentyn) × £70 = £260 + £140 = £400
2. Cymhara’r prisiau a gwna dy argymhellion.
- Os yw’r teulu’n aros am saith noson, dylen nhw ddewis Parc Paradwys am £360
- Os ydyn nhw’n aros am ddeg noson, dylen nhw ddewis Haul y Machlud am £400
Question
Mae Sarah yn trefnu gwyliau saith diwrnod i dref Marseille yn Ffrainc. Mae’r daith awyren yn cymryd dwy awr. Er bod gwahaniaeth amser rhwng y DU a Ffrainc, nid oes angen ystyried hyn fel rhan o’r cwestiwn.
Mae’n rhaid i’r gwyliau fodloni’r gofynion canlynol:
- Mae’n rhaid gadael ar ôl 10 Awst
- Mae’n rhaid hedfan o faes awyr yn Llundain
Byddai hi’n hoffi bodloni cymaint o’r amodau canlynol â phosibl:
- Hedfan o Heathrow Llundain
- Cyrraedd cyn 2pm
- Bod gan yr ystafell olygfa o’r môr
Argymhella pa opsiwn/opsiynau dylai Sarah ddewis.
Cam 1. Mae Pecyn A yn gadael cyn 10 Awst felly nid yw’n bodloni’r gofynion.
Cam 2. Mae Pecyn D yn gadael o Fanceinion felly nid yw’n bodloni’r gofynion chwaith.
Cam 3. Ar gyfer y tri phecyn sy’n weddill, gwerthusa pa ddewisiadau maen nhw’n bodloni.
Pecyn B – O Heathrow? Nac ydy
- Yn gadael am 10:15 felly’n cyrraedd am 12:15 – Yn cyrraedd cyn 2pm? Ydy
- Ystafell â golygfa o’r môr – Le Jardin? Nac ydy
Mae Pecyn B yn bodloni un gofyniad ychwanegol.
Pecyn C – O Heathrow? Ydy
- Yn gadael am 15:30 – Yn cyrraedd cyn 2pm? Nac ydy
- Ystafell â golygfa o’r môr – La Fête? Ydy
Mae Pecyn C yn bodloni dau ofyniad ychwanegol.
Pecyn E - O Heathrow? Ydy
- Yn gadael am 11:45 felly’n cyrraedd am 13:45 – Yn cyrraedd cyn 2pm? Ydy
- Ystafell â golygfa o’r môr – Le Jardin? Nac ydy
Mae Pecyn E yn bodloni dau ofyniad ychwanegol.
Cam 4. Argymhelliad terfynol - dylai Sarah ddewis naill ai Pecyn C neu E oherwydd bod y rhain yn bodoli’r gofynion sylfaenol a dau ddewis ychwanegol.
