Mathau o lwyfan
Meddylia am y profiad rwyt ti am i dy gynulleidfa ei gael. Wyt ti am iddi deimlo’n rhan o’r ddrama ac yng nghanol yr hyn sy’n digwydd, neu wyt ti am iddi fod ar wahân, yn arsylwi? Mae lle mae’r gynulleidfa’n eistedd mewn perthynas â’i gilydd yn bwysig iawn. Mae gallu gwneud cyswllt llygad ag aelodau eraill o’r gynulleidfa’n creu ymdeimlad o rannu profiad. Mae’r math o lwyfan fyddi di’n ei ddewis ar gyfer dy waith yn hanfodol bwysig oherwydd bydd yn effeithio ar y ffordd y byddi di’n defnyddio’r gofod sydd ar gael i ti berfformio.
Mae gan Theatr Olivier yn y National Theatre Darn mawr o'r llwyfan ar siâp cylch ac sy'n gallu cylchdroi. Mae'n ddefnyddiol wrth ddatgelu gwahanol leoliadau, dangos cymeriadau’n teithio neu ddangos amser yn mynd heibio. enfawr. Mae’n bum llawr o uchder, gyda nifer o declynnau codi sy’n gallu creu effeithiau tyrau neu gychod yn codi o’r llwyfan neu wneud i wrthrychau ddiflannu’n sydyn o’r golwg! Sut fyddai’r gynulleidfa’n teimlo wrth edrych ar lwyfannu coeth fel hyn?
Mewn gwrthgyferbyniad llwyr i hyn, mae modd i ti gael llwyfan syml sy’n gallu bod yn hynod o effeithiol. Roedd cynhyrchiad cwmni Theatr Bara Caws o Llanast, cyfieithiad Gareth Miles o Le Dieu du Carnage gan Yasmina Reza, yn defnyddio set syml oedd yn gweithio’n dda ar gyfer drama sydd wedi ei gosod mewn ystafell fyw a gofod ciniawa mewn cartref arferol.
Cofia fod modd i ti gael llwyfannau ‘anffurfiol’ y tu allan i’r theatr hefyd gan osod dy olygfa mewn lleoliad anarferol fel traeth neu faes parcio.
