Co-loidhneachd
Ma tha trì puingean no barrachd air an aon loidhne dhìrich, canar gu bheil iad co-loidhneach.
Ma tha A, B agus C co-loidhneach, bidh \({m_{AB}} = {m_{BC}}( = {m_{AC}})\) .
Airson sealltainn gu bheil trì puingean co-loidhneach, tagh dà earrann dhen loidhne, mar eisimpleir \(AB\) agus \(BC\). Feumaidh tu an uair sin dèanamh cinnteach gu bheil:
- cùrsa coitcheann aca ('s e sin caiseadan co-ionann)
- puing choitcheann (mar eisimpleir, B)
Ma tha an dà abairt sin fìor, tha na puingean co-loidhneach.
Eisimpleir
Seall gu bheil \(P(1,4)\), \(Q(4,6)\) agus \(R(10,10)\) co-loidhneach.
Fuasgladh
Cleachdaidh sinn na loidhneachan PQ agus PR san eisimpleir seo.
\({m_{PQ}} = \frac{{6 - 4}}{{4 - 1}} = \frac{2}{3}\)
\({m_{PR}} = \frac{{10 - 4}}{{10 - 1}} = \frac{6}{9} = \frac{2}{3}\)
Tha cùrsa coitcheann aig na h-earrannan dhen loidhne (caiseadan \(= \frac{2}{3}\)) agus puing choitcheann \((P)\) agus mar sin tha \(P\), \(Q\) agus \(R\) co-loidhneach.
