KQY-ja shpall rezultatet e zgjedhjeve në Kosovë

PDK-ja ka dalë si forca më e madhe në Kuvendin e Kosovës me 37 deputetë, pas saj, radhitet Lidhja Demokratike e Kosovës (LDK) me 25 deputetë, Aleanca Kosova e Re me 13 deputetë, Lidhja Demokratike e Dardanisë me 11 dhe Aleanca për Ardhmërinë e Kosovës me 10 deputetë.

Jashtë parlamentit ka mbetur ndërkaq Partia Reformiste ORA, e cila me 4,1 për qind të votave të fituara, nuk ka arritur të kalojë pragun zgjedhor.

Rezultatet e zgjedhjeve në Kosovë PDK - 37 vende LDK - 25 vende AKR - 13 vende LDD - 11 vende AAK - 10 vende Serbët - 10 vende Pakicat e tjera - 14 vende KQZ

Nga ana tjetër, partitë politike që përfaqësojnë komunitetet pakicë do t'i kenë 24 deputetë në Kuvendin e ri të Kosovës.

Prej tyre, subjektet politike serbe do t'i kenë 10 vende në parlament, aq sa i kanë të rezervuara me Kornizë Kushtetuese, ndërsa pakicat tjera do t'i kenë 14 vende.

Pjesëmarrja e qytetarëve në zgjedhjet e 17 nëntorit ka qenë rreth 43 përqind, por prej numrit të përgjithshëm rreth 34 mijë fletëvotime janë shpallur të pavlefshme.

Rezultatet përfundimtare për Kuvendin e Kosovës të shpallura sot nga Komisioni Qëndror i Zgjedhjeve nuk ndryshojnë shumë me ato paraprake të publikuara më herët.