Rezultatet e paraqitura përfshijnë rreth 90 për qind të votave të numëruara.

Shefi i misionit të OSBE-së në Kosovë, Tim Guldimann, ka paraqitur rezultatet sipas të cilave PDK ka fituar 34 për qind, LDK 21 për qind, Aleanca Kosova e Re e Behgjet Pacollit 11.7 për qind, LDD e 10 për qind, AAK 9.6 për qind dhe Partia reformiste ORA 4.1 për qind dhe partitë e tjera 7.3 për qind të votave të numëruara.

Rezultatet paraprake PDK - 34% LDK - 21% AKR - 11.7% LDD - 10% AAK - 9.6% ORA - 4.1% TE TJERAT - 7.3%

KQZ ka thënë se rezultatet e paraqitura përfshijnë rreth 90 për qind të votave të numëruara ndërkohë që rezultatet përfundimtare pritet të ofrohen brenda pak javësh.

Në zgjedhjet e përgjithshme të 17 Nëntorit, sipas KQZ-së, kanë marrë pjesë mbi 40 për qind e votuesve.

Rezultatet paraprake të paraqitura nga KQZ, janë përafërsisht të ngjashme me rezultatet e ofruara nga rrjeti i Organizatave Joqeveritare, Demokracia në veprim, pak kohë pas mbylljes së vendvotimeve.