Nënkryetari i LDK-së, Eqrem Kryeziu, i ka ofruar sot dorëheqjen Kryesisë së kësaj partie, pas rezultateve të dobëta të arritura në zgjedhjet e përgjithshme në Kosovë. Zoti Kryeziu ka thënë se Kryesia e LDK-së ka kërkuar nga ai që të pres njëherë rezultatet zyrtare nga Komisioni Qendror i Zgjedhjeve për ta bërë pastaj zyrtare edhe dorëheqjen e tij. Nënkryetari i parë i Lidhjes Demokratike, Eqrem Kryeziu, figura kryesore e kësaj partie në periudhën e ndarjes së saj në dhjetor të vitit të kaluar, ka deklaruar se do ta mbaj premtimin për dorëheqje nëse LDK-ja do të pësojë në zgjehdje. Ai i ka deklaruar BBC-së se LDK-ja do ta pranojë rolin e opozitës. Një rezultat i publikuar pak kohë pas mbylljes së qendrave të votimit ditën e zgjehdjeve, i përpunuar nga një rrejt Organizatash Joqeveritare, e ka radhirut LDK-në të dytën në zgjedhje me 22 për qind, pas Partisë Demokratike të Hashim Thacit me 34 për qind të votave të fituara. Një rezultat paraprak i Komisionit Qendror të Zgjedhjeve pritet të jepet sonte.
| 
Arkiv