 | | | | | | Botuar: E mërkurë, 10 mars 2004 - 17:59 CET | | | | Irani paralajmërohet për programin e tij bërthamor | | | Agjencia Ndërkombëtare për Energjinë Bërthamore (IAEA), i ka bërë thirrje Iranit të mos e rifillojë programin e tij të pasurimit të uraniumit, siç ka kërcënuar.
IAEA: 'programi bërthamor i Iranit të mbetet i pezulluar' |
Drejtori i përgjithshëm i agjensisë, Mohammed ElBaradei, tha se ky program duhet të mbetet i pezulluar në mënyrë që Irani ta bëjë komunitetin ndërkombëtar të besojë se tani vendi do të përmbushë detyrimet e veta ndërkombëtare.
Më herët, ministri i Jashtëm iranian, Kamal Kharrazi, paralajmëroi se vendi i tij do t'i japë fund bashkëpunimit me KB-në nëse vendet evropiane nuk i kundërvihen presionit të Shteteve të Bashkuara në lidhje me programin bërthamor të Iranit.
Ambasadori iranian në IAEA, Pirooz Hosseini, i bëri thirrje evropianëve që t'i bëjnë rezistencë presionit amerikan për të kaluar një rezolutë të ashpër që dënon Iranin, i cili ngul këmbë se programi i tij bërthamor është plotësisht paqësor. | |
| | |
