 | | | | | | Botuar: E martë, 09 mars 2004 - 08:03 CET | | | | Anan bën thirrje për të luftuar HIV/AIDS | | | Sekretari i Përgjithshëm i Kombeve të Bashkuara, Kofi Annan, thotë se gratë janë viktimat kryesore të epidenisë së HIV-Aids-it.
Anan tha se gratë janë më të prekurat nga HIV/AIDS-i |
Ai e bëri këtë deklaratë para një sesioni të OKB-së, të hënën në Ditën Ndërkombëtare të Gruas.
Zoti Anan tha se gjysma e rasteve të reja me HIV ishin te gratë.
Ai lavdëroi punën e bërë për parandalimin dhe kujdesjen nga grupet e grave.
Sekretari i Përgjithshëm u bëri thirrje burrave që të angazhohen në uljen e shifrave të infeksionit në rradhët e grave duke edukuar vajzat e tyre që të qëndrojnë larg aktiviteteve seksuale që i vënë ato në rrezik.
Një punonjës i OKB-së, tha se në disa vende nxënëse shkollash kryenin marrëdhënie seksuale me burra më të mëdhenj, për të paguar taksat e shkollës.
Në vende të tjera nëna të infektuara me HIV vazhdonin të ushqenin me gji fëmijët e tyre nga frika se mos stigmatizoheshin. | |
| | |
