 | | | | | | Botuar: E hënë , 01 mars 2004 - 08:29 CET | | | | Marinsat amerikanë në Haiti | | | Këshilli i Sigurimit të OKB-së ka votuar unanimisht për të autorizuar dërgimin e një force ushtarake shumëkombëshe në Haiti pasi presidenti Jean Bertrand Aristide u largua nga vendi të dielën.
OKB-ja autorizon dërgimin e paqeruajtësve në Haiti |
Grupi i parë i disa qindra marinsave amerikanë, që janë urdhëruar të dislokohen në Haiti, ka mbërritur në kryeqytetin e vendit Port-au-Prince.
Detyra e tyre është të përgatisin terrenin për dislokimin e një force më të madhe paqeruajtëse, përfshirë forca franceze e kanadeze, dërgimin e ndihmave humanitare dhe mbrotjen e qytetarëve amerikanë.
Marinsat po dislokohen në një qytet ku mungon ligji. Megjithëse është vendosur një ndalim-qarkullimi gjatë natës në të gjithë kryeqytetin dëgjohen të shtëna armësh.
Banda të armatosura besnike të presidentit të larguar sillen ende nëpër rrugë, por tani nëpër rrugë ka edhe grupe që thonë se janë me forcat rebele që kontrollojnë veriun e vendit.
Ka disa njoftime për vrasje hakmarrëse.
Udhëheqësi i ri rebel, Guy Philippe, ka thënë se koha e luftimeve ka kaluar tani që presidenti është larguar.
Ai ka mbështetur praninë e trupave ndërkombëtare në vend duke thënë se shpreson që të punojë me ta.
Atij i është dhënë merita për përzënien e presidentit nga vendi, dhe është bërë një hero popullor në Haiti. Por ai thotë se nuk ka ambicie politike. | |
| | |
