 | | | | | | Botuar: E shtunë, 28 shkurt 2004 - 07:21 CET | | | | Amerikanët po humbin durimin me Aristidin | | | Situata në kryeqytetin haitian po përkeqësohet dhe në një shenjë të qartë se qeveria amerikane po humb durimin me presidentin e vendit, në një deklaratë të administratës amerikane thuhet se presidenti Aristide duhet të verë nën kontroll përkrahësit e tij dhe t'i japë fund asaj që u përshkrua si dhunë e verbër që po përfshin kryeqytetin.
Rebelët i janë afruar kryeqytetit |
Gangsterë të armatosur që kanë deklaruar aleancë me presidentin Aristide kanë filluar grabitjet e portit dhe vrasje të civilëve të pafajshëm.
Qeveria amerikane duket se sugjeron se dora e presidentit është pas këtij kaosi dhe i kërkon atij të marrë masat e nevojshme për ta ndaluar atë.
Deklara thotë se ai duhet të veprojë kështu në emër të nderit të tij reputacioni dhe legalitetit.
Ambasada amerikane gjithashtu i bëri thirrje rebelëve të armatosur që janë gati të sulmojnë kryeqytetin, të ndalojnë avancimin dhe të mos shkaktojnë më dhunë atje.
Thirrjes duket se i ka kushtuar vëmendje një nga drejtuesit e rebelëve i cili tha se strategjia e tij aktuale ishte të bllokonte qytetin, kështu që të detyronte zotin Aristide të jepte dorëheqje.
Por presidenti nuk tregon ndonjë shenjë të largimit nga pushteti.
| |
| | |
