 | | | | | | | | | Franca dëshiron qeveri haitjane pa Aristide-in | | | Franca ka bërë thirrje për një qeveri të unitetit kombëtar në Haiti - pa presidentin Jean-Bertrand Aristide.
Delegacioni i qeverisë haitjane në Paris |
Francezët shpresojnë se një hap i tillë do t'i japë fund konfliktit midis rebelëve dhe qeverisë.
Thirrja u bë ndërsa një delegacion i qeverisë haitjane zhvillonte bisedime në Paris me ministrin e Jashtëm francez, Dominique de Villepin.
Opozita haitjane, e cila poashtu duhej të merrte pjesë, tha se delegacioni i saj nuk ia doli të gjejë fluturime për në Paris.
Një udhëheqës i opozitës, Andy Apaid, akuzoi zotin Aristide se financon banda plaçkitëse në Port-au-Prince për të provokuar ndërhyrje ndërkombëtare.
Disa dyqane dhe depo janë plaçkitur dhe sipas njoftimeve, të paktën katër vetë kanë humbur jetën.
Njoftimet më të fundit erdhën ndërsa rebelët të cilët kontrollojnë pjesën më të madhe të Haitit verior, detyruan policinë të braktiste qendrën e saj në qytetin e tretë në vend për nga madhësia, Cayes, në jug të vendit.
Ka njoftime poashtu se rebelët e kanë marrë Mirebalais, më pak se gjashtëdhjetë kilometra nga kryeqyteti, Port-au-Prince. | |
| | |
