 | | | | | | Botuar: E mërkurë, 11 shkurt 2004 - 14:40 CET | | | | 'Karaxhiqi është në Beograd' | | | Kryeprokurorja e gjykatës ndërkombëtare për krime të luftës, Carla del Ponte, u ka thënë gazetarëve se ajo beson që ish udhëheqësi i serbëve të Bosnjës, Radovan Karaxhiq, tani jeton në kryeqytetin e Serbisë, Beograd.
Del Ponte: 'Autoritetet serbo-malazeze nuk po bashkëpunojnë' |
Duke folur në Bruksel, zonja del Ponte tha se këtë informacion e kishte marrë javën e kaluar nga një burim i besueshëm.
Ajo tha se autoritetet në Serbi dhe Mal të Zi nuk po bashkëpunonin me përpjekjet e saj për të nxjerrë zotin Karaxhiq para drejtësisë.
Kundër zotit Karaxhiq është ngritur padia për krime lufte të kryera gjatë luftës civile në Bosnjë në fillim të viteve nëntëdhjetë, por ai i ka ikur arrestimit me vite të tëra.
Përgjithësisht besohej se ai ndodhej i fshehur në zonën përgjatë kufirit midis Bosnjës dhe Malit të Zi përkundër disa përpjekjeve të paqëruajtësve ndërkombëtarë për t'i rënë në gjurmë. | |
| | |
