 | | | | | | Botuar: E enjte, 13 nëntor 2003 - 07:05 CET | | | | Amerika kritikon raportin mbi Iranin | | | Uashingtoni ka sfiduar një raport të Kombeve të Bashkuara, sipas të cilit, Irani nuk është përpjekur të prodhojë armë atomike.
Nënsekretari amerikan, John Bolton, tha se raporti i Agjensisë Ndërkombëtare të Energjisë Atomike, shpërfill faktet. 
Raporti thotë se s'ka prova. |
Sipas tij, përfundimi kryesor që ka arritur Agjencia e Energjisë Etomike se nuk ka prova që Irani po përpiqet të zhvillojë armë bërthamore, është pothuajse i pamundur që të besohet.
Z. Bolton, ndihmësseskretari i Departamentit të Shtetit për kontrollin e armëve, tha se gënjeshtra dhe shkeljet e rregullave nga ana e Iranit për një periudhë 18 vjeçare çojnë në një përfundim krejt tjetër.
Raporti i Agjensisë, që do të botohet javën e ardhshme, i citon iranianët që e pranojnë se kanë prodhuar sasi të vogla plutoni dhe uraniumi të pasuruar për qëllime paqësore.
Por raporti arrin në përfundimin se kjo nuk duket si pjesë e një programi armatimi.
Toni i deklaratës së z. Bolton lë të kuptohet se Amerika është e gatshme të konfrontohet me një organizatë të OKB-së siç është kjo agjensi dhe të nxjerrë konkluzione të ndryshme nga ajo.
Z. Bolton do që të konfrontohet me Iranin në Këshillin e Sigurimit të OKB-së, por të tjerët, përfshirë këtu dhe evropianët, duan që kjo çështje, të zgjidhet në rrugë diplomatike.
| |
| | |
