 | | | | | | Botuar: E mërkurë, 28 maj 2003 - 15:54 CET | | | | Plan i Bushit për pengimin e SIDA-s | 
Administrata amerikane e quan SIDA-n rrezik për sigurinë | | | | |  | Jonathan Marcus
Korrespondent i BBC-së për çështjet e sigurisë |  | |
| Veprimtarët ndërkombëtarë në luftën kundër SIDA-s kanë mirëpritur vendimin e presidentit amerikan që e ktheu në ligj një program urgjent të Shteteve të Bashkuara për të luftuar sëmundjen e shekullit në vendet e Afrikës dhe Karaibeve.
Programi kundër SIDA-s ofron deri në 15 miliardë dollarë për trajtimin e sëmundjes së SIDA-s dhe parandalimin e saj gjatë pesë viteve të ardhshme.
Mark Isaac i Fondacionit Amerikan për SIDA-n beson se presidenti Bush e kupton me të vërtetë nevojën për të luftuar këtë sëmundje.
Kritikët e brendshëm shqetësohen se financimi i plotë në vitet e ardhshme mund të mos i jetë i arritshëm.
Demokratët në opozitë kanë paralajmëruar se shumica e këtij fondi mund të mos lëvrohet duke vënë shumë pikëpyetje mbi mundësinë e zbatimit në praktikë të projektit.
Ata po ashtu i referohen faktit se plani i Bushit është i mbarsur me influenca të së drejtës kristiane.
Të paktën një e treta e fondeve të shpenzuara për parandalimin e SIDA-s, do të shkojë drejt inkurajimit të mungesës së marrëdhënieve seksuale përpara martesës, një hap që në thelb pengon financimin për grupet që punojnë me prostitutat.
'Çështje e sigurisë'
SIDA po bën kërdinë në Afrikë |
Marshimi i pandalshëm i SIDA-s, jo vetëm në Afrikë dhe Karaibe, por edhe në Rusi, Kinë dhe në shumë pjesë të botës në zhvillim, nuk është një problem shëndetësor apo humanitar.
Përpara tre vitesh, administrata e presidentit ameriklan Bill Klinton zyrtarisht deklaroi se SIDA përbën një kërcënim për sigurinë kombëtare.
Kjo erdhi pas një raporti nga CIA që përcaktonte se sëmundja shtonte mundësitë e luftrave etnike, revolucionare, gjenocidit, e kështu me rradhë.
SIDA është një tragjedi njerëzore individuale, por në Afrikë, aftësia e saj për të minuar tërë shoqërinë, ka kontribuar në rritjen e mungesës së qëndrueshmërisë politike.
Kjo pikëpamje e ndikimit strategjik të SIDA-s është e njëjtë edhe me atë të administratës së presidentit të tanishëm Bush.
Sekretari amerikan i Shtetit, Colin Powell, deklaroi se SIDA mbetet një problem i sigurisë kombëtare.
Vitin e kaluar një raport zbulimi i qeverisë amerikane, shprehu frikën se, në rast se nuk ndërmerret një ofensivë e madhe kundër sëmundjes, shkalla e infeksionit në vende si Kina, India dhe Rusia, mund ta tejkalojnë epideminë aktuale në vendet e Afrikës Sub-Sahariane.
Ndaj edhe nisma e fundit e administratës amerikane, e cila përqëndrohet në Afrikë e Karaibe, motivohet nga një numër faktorësh të ndryshëm.
Kongresit iu bë presion ta miratonte ligjin brenda këtij muaji, me qëllim që presidenti Bush të inkurajonte udhëheqësit e vendeve të zhvilluara, të cilët do të takohen në Francë javën e ardhshme për t'u angazhuar më shumë financiarisht në betejën ndërkombëtare kundër SIDA-s.
Kjo nismë kërkon t'i japë administratës së Bushit një fytyrë me të njerëzishme. | |
| | |
