Itoophiyaatti daa'ima baatii sagalii dabalatee namootni 8 haaraan koronaavaayirasiin qabaman
Madda suuraa, Reuters
Itoophiyaatti daa'ima baatii sagalii dabalatee namooni 8 koronaavaayirasiin haaraa qabamuun mirkana'e.
Haatii daa'ima kanaas vaayirasichaan qabateetti. Lammiin Eertiraa tokkoo namoota vaayirasichaan qabaman keessa kan jiru yoo ta'u,kanneen hafan torban lammilee Itoophiyaati.
Namoota Koroonaavaayirasiin qabaman kana keessaa 5 Dubaayirra kan dhufan yoo ta'u ,addaatti fo'amanii namoota tursiifaman hordofamaa keessa turan.
Namoota qabaman keessaa dubartiin lammii Itoophiyaa ganna 25 dhufte iddoo addatti fo'amanii hordofaman keessa turte.
Namoota haaraa qabaman keessaa dargageessi ganna 19 biyya hambaas kan hin deemne yoo ta'u, eenyu wajjin tuttuqaa akka qabu hordofamaa jira.
Namni biroon vaayirasichaan qabame, dubartii ganna 300 yoo taatu, Landaniirraa gara Finfinnee erga dhuftee booda adda fo'amuun iddoo tursiisaa keessa turte. Namooota qabaman keessaa tokko giddugaleessa namoota hordoffii cimaa barbaachisuu keessa jiraachuun himameera.
- SALPHAATTI ADDA BAASUUF: Mallattoowwan koronaavaayirasii maal fa'i?
- KORONAAVAAYIRASII: Gaaffilee keessaniif deebii
- MAAL GOCHUUN QABA: Walirraa fagaachuufi adda of baasanii turuu
- WANTOOTA SAGAL: Waa'ee koronaavaayiras nuti hin beekne
- QUBA QABDUU?: Wal-qunnamtii saalaa fi Koronaavaayiras
Ammatti Itoophiyaatti lakkoofsi namoota Vaayirasichaan qabamanii 52tti ol guddateera.
Sa'aatii 24 keessatti qo'annoo laabiratorii namoota 264 irratti gaggeeffameen ta'uu MinistIrri Fayyaa Itoophiyaa Dr Liyaa Taaddasaa himaniiru.
