Dorgommiin Olimpiikii Tookiyoo 2020, sababa weerara Koroonaavaayirasiin 2021'tti dabarfame, Adoolessa 23, 2021 wayita eegalu, atileetota Afriikaa hordofuu qabnu eenyu akka ta'an ilaalla.
Atileetonni kunneen gosoota ispoortii garagaraa irraa filatamani, gariin isaanii ardii kana keessatti baay'ee hin beekamani.
Gariin ammoo warra duraan ture ta'anus yeroo jalqabaaf Olimpiikii irratti kan hirmaatanidha.
Towfiiq Maakluufii atleetii fageenya giddugaleessa (meetira 800 fi 1,500) irratti dorgomudha.
Olompiikii Landan 2012 irratti yeroo jalqabaaf kan hirmaate yoo ta'u, fageenya m1,500'n meedaaliyaa warqee argate. 2016 Rio irratti ammoo meedaaliyaa birrii lama argate.
Waalii Biidaanii lammii Aljeeriyaa ulfaatina kaasuun dorgomu yoo ta'u, Olompiikii Landan 2012 irratti yeroo jalqabaaf hirmaatee kan Rio 2016 lammeeffatedha.
Azeenaayid Kaarloos taphattuu kubbaa harkaa yoo taatu, miseensa garee biyyaalessaa Angoolaa 'The Pearls' jedhamuun waamamaniiti.
2008 irraa kaastee yeroo sadiif Olompiikii irratti hirmaattee jirti.
Naayijel Amoos atileetii fiigicha meetira 800'n Olompiikii Landan 2012 irratti meedaaliyaa birrii argatedha.
Olompiikiin Tookiyaa dorgommii sadaffaa isaati.
Huuduwees Faabriis lammii Burkiinaa Faasoo utaalchoodhaan dorgommii Atileetiksii Addunyaa 2019 irratti meedaaliyaa Nahaasaa infatedha.
Firaansiin Niyaansoobaan atileetii Burundii dorgommii meetira 800 kan dubartootaan Olompikii riyoo fi Atileetiksii Addunyaa 2017 irratti meedaaliyaa Birrii injifattedha.
Cheeyik Siisee Olompiikii Riyoo 2016 irratti biyyi isaa yeroo jalqabaaf meedaaliyaa Warqee akka argattu taasisuun seenaa hojjeteera.
Akkasumas nama Afriikaa yeroo jalqabaaf Teekwoondoon meedaaliyaa Warqee argate ta'eera.
Merii-Joosee Taa Luwoo atileetii fiigicha meetira 100 fi 200'n dorgomtudha.
Dorgommii Atileetiksii Addunyaa 2019 irratti meedaaliyaa Nahaasaa argatte. Olompiikii Riyoo 2016 irrattis fageenya lamaaniinuu 4ffaa baate.
Haaydii Moorsii atileetii dorgommii peentaatlan jabanaawaa bishaan daakaa fi guluffii fardaan dorgomtudha.
Olompiikiin Tookiyoo dorgommii lammaffaa isheedha.
Azmii Meheelbaa dorgomaa dhukaasaa Olompiikii irratti yeroo sadaffaaf dorgomaa jiru dha.
Dorgommii ISSF 2021 reefuu xumurame irratti dhukaasa shugguxiin meedaaliyaa Warqee argateera.
Giyaanaa Faaruuk dorgomtuu kaaraatee Olompiikii irratti yeroo jalqabaaf hirmaattudha.
Dorgommiiwwan Kaaraatee Addunyaa 2016 fi 2018 irratti walduraaduubaan meedaaliyaa Warqeefi Birrii argattee jirti.
Merhaawii Qudduus lammii Ertiraa dorgomaa bishkiliitii ganna 27 yoo ta'u, dorgommii bishkiliitii Tarkii 2019 irratti sadaffaa ba'uun xumuree jira.
Dorgommii sa'aatii fooyya'aa galmeessisuuf taasifame irratti Ertiraa keessatti kan moo'e yo ta'u,
Amaanu'eel G/Igzaabeer Olompiikii irratti barana yeroo jalqabaaf hirmaata. Atileetiin kun dorgommii Bishkiliitii Afriikaa 2018 irratti 1ffaa ba'e.
Mosaanaa debesaay dorgomtuu bishkiliitii 2019'tti Dorgommii Daandiirraa Afriikaa akkasumas dorgommii sa'aatii dhuunfaa 2018 irratti kan injifattedha.
Obboleettii dorgomaa bishkiliitii Ertiraa Meqseb debsaay dha.
Latasanbat Giday atileetii maaraatoonii Itoophiyaa riikoordii fiigicha meetira 5,000 fi 10,000 qabattee jirtudha.
Dorgommii Atileetiksii Addunyaa 2019 irratti meetira 10,000'n meedaaliyaa warqee moote.
Salamoon Baaraggaa atileetii fageenya dheeraa Itoophiyaa bakka bu'uun dorgomu yoo ta'u, Atleetiksii Addunyaa 2019 irratti meetira 5,000'n meedaaliyaa birrii argate.
Olompiikii irratti yoo hirmaatu, kan Tookiyoo isa jalqabaati.
Yoomiif Qajeelchaa atileetii fageenya dheeraa itoophiyaa yoo ta'u, Olompiikiin Tookiyoo dorgommii Olompiikii jalqabaa isaati.
Yoomiif 2018'tti dorgommii Addunyaa Mana Keessaa meetira 3,00'n Warqee argateera.
Atileetiksii Addunyaa 2019 irrattis meetira 10,000'n 2ffaa ba'eera.
Lalisaa deessisaa atileetii maaraatoonii Itoophiyaa Dorgommii Atileetiksii Addunyaa 2019 irratti Warqee injifatedha.
Shuraa Qixxaataa dorgomaa maaraatoonii Itoophiyaati.
Maaraatoonii Landan 2020 irratti, atileetii Keeniyaa Eliyuud Kiipchoogee injifachuun Warqee fudhateera. 2018'tti Eliyuuditti aanee xumuree ture.
Gudaaf Tseggaay atileetii Itoophiyaa fageenya meetira 1,500'n, Guraandhala 2021, Firaansi keessatti riikoordii cabsitedha.
Atileetiksii Addunyaa 2019 irratti meedaaliyaa Nahaasaa mo'atte.
Jiinaa Baas atileetii fiigicha meetira 200'n dorgommii Taphoota Afriikaa 2019 Morookoo Raabaatitti geggeeffame irratti Warqee injifattedha.
Olompiikiin Tookiyoo Olompiikii 2ffaa isheedha.
Juuliyas Yeegoo atileetii Keeniyaa Eeboo darbachuun dorgomu yoo ta'u, Olompiikii Riyoo irratti 2ffaa ba'uu danda'eera.
Viidiyoowwan Yuutuub irraa arguun dorgommii isaa waan guddifateef, maqaa masoo Abba Tuutuub jedhu qaba.
Biirijid keesgeey atileetii maaraatoonii dorgommiiwwan maaraatoonii Chikaagoo 2018 fi 2019 akkasumas kan Landan 2019 fi 2020 injifattedha.
Koosgeey dorgommii maaraatoonii Chikaagoo irratti sa'aatii 2:14:04 galuun riikoordii of harkaa kan qabdu yoo tau, Tookiyoo irratti yeroo jalqabaaf Olompiikii irratti hirmaatti.
Eliyuud Kiipchoogeen dorgomaa fegeenya dheeraa gameessadha.
Dorgommii Barliin keessatti Fulbaana 2018 geggeeffame irratti sa'aatii 2:02:39 galuun riikoordiin of harkaa qaba.
Maaraatoonii Olom[iikii Royoo irrattis meedaaliyaa Warqee argateera.
Biyaatsis Cheepkooyeech gufachiisaan rikoordii of harkaa qabdi.
Atileetiin fageenya dheeraa kun Atileetiksii Addunyaa 2019 irratti meedaaliyaa warqee argattee jirti.
Feez Kipyeegoon Olompiikii Riyoo irratti meetira 1,500'n meedaaliyaa warqee argattee jirti.
2017 fi 2019 irrattis dorgommii Atileetiksii Addunyaa irratti 2ffaa ba'uun xumurte.
Kadijjaa Mardii atileetii Morokoo bunyaan dorgomtu yoo taatu, Olompiikii Riyoo irratti marsaa xumura nuusaa irratti kiiloo 69-75'n tapha 2ffaa irratti dorgommiin ala taate.
Dorgommii Bunyaa Addunyaa Dubartootaa irratti meedaaliyaa Nahaasaa argachuu dandeessee jirti.
Rabaabee Araafii atileetii Morookoo Daayimandi Liigii dubartootaa 2019 irratti meetira 1,500'n warqee injifattedha.
Olompiikii irratti yoo hirmaattu Tookiyoon 2ffaa isheedha.
Raamzii Buukhiyaam atileetii galaanaa daakudha.
Dorgommii yeroo jalqabaaf taasifamu kanarratti Morokoo bakka bu'uun Olompiikii irratti yeroo jalqabaaf hirmaata.
Suufiyaan El Bakaasii dorgommii gufachiisaa meetira 3,000 Atileetiksii Addunyaa 2017 irratti Morokoo bakka bu'uun 2ffaa ba'edha.
Olompiikii irratti jalqaba kan hirmaate 2016 Riyoottidha.
Maariyaa Maachaa dorgomtuu Moozaambiik Olompiikii irratti yeroo jalqabaaf hirmaattudha.
Deeyzii Inhaakuwiil atileetii Moozaambiik Olompiikii irratti yeroo jalqabaaf hirmaattudha.
Dorgommii Afriikaa '420 Radial Laser class' jedhamu injifattee jirti.
Diniis Paaruuk akkuma hiriyootashee Olompiikiin Tookiyoo kan jalqabaa isheeti.
Maariyaa waliin ta'uun dorgommii '2019 Africa class 470 regatta' mo'attee jirti
Maayik Diyeekmaan Naamiibiyaa bakka bu'uun ispoortii kanaan yeroo jalqabaaf Olompiikii irratti hirmaata.
Biyaatris Maasiliingii lammii Naamiibiyaa fiigicha meetira 400'n nama ganna 20 gadi taatee seenaa keessatti sa'aatii arifataa 3ffaa qabdudha.
Haata'u malee ammeentaa testestiroonii guddaa qabduuf jecha dorgommii kana irratti kan hin hirmaanne yoo ta'u, kna biroo irratti nihirmaatti.
Kiristiin Imboomaa atileetii Naamiibiyaa 2021'tti dorgommii guddattoota ganna 20 gadii meetira 400'n riikoordii addunyaa cabsitedha.
Haata'u malee ammeentaa testestiroonii guddaa uumamaan qabdu irraa ka'uun gosa ispoortii kanaan hin dorgomtu. Kan biroo irratti garuu nihirmaatti.
Aminaatuu Seynii lammii Niijar dorgommii Atileetiksii Addunyaa 2019 irratti hirmaattedha.
Bileesiingi Okaagbaaree atileetii utaalchoofi fiigicha fageenya gaabaabaa Naayijeeriyaa bakka buutudha.
Riikoordiin meetira 100 sekondii 10.75'n ishee harka kan jiru yoo ta'u, dorgommii gulaallii Olompiikii taasifame irratti 10.63 galmeessisuun fooyyessite jirti.
Yeroon kun riikoordii Naayijeeriyaafi Afriikaa haaraa ta'uun galmaa'ee, dursummaa addunyaa lammii Jamaayikaa Sheelii-Ann Fireezar-Piraayis waliin qooddattee jirti.
Eliizaabeet Anyaanaachoo dubartii waggaa 16 asitti yeroo jalqabaaf akkasumas seenaa keessatti dubartii 2ffaa Naayijeeriyaa dorgommii Teekwoondoon bakka buutu taatee jirti.
Divaayin Oduduuruu Olompiikii Riyoo irratti jalqaba hirmaate.
Dhiirota Naayijeeriyaa Olompiikii Riyoo irratti dorgommii hundaan biyyatti bakka bu'an keessaa walakkaa xumuraa kan ga'e atileetii kana qofa ture.
Toobii Amusaan atileetii Naayijeeriyaa fiigicha walharkaa fuudhuu fi fiigicha idileen dorgomtu yoo taatu, dorgommii Gooldi Koosti Awustiraaliyaa keessatti 2018'tti geggeeffame irratti fiigicha walharkaa fuudhuu meetira 100'n warqee injifattee jirti.
Olompiikii Riyoo irratti yeroo jalqabaaf hirmaattee, xumura walakkaarra ga'uun sekondii 12.91 fiduun 3ffaa baatee dorgommiin ala taate.
Esee Biruumeen dubartoota Afriikaa sadii meetira 7 ol utaaluu danda'an keessaa tokkodha.
Lammiin Naayijeeriyaa kun Olompiikii irratti yeroo jalqabaaf kan hirmaatte yoo taatu, 5ffaa ba'uun xumurte.
Atileetiksii Addunyaa 2019 irratti ammoo meedaaliyaa Nahaasaa argattee jirti.
Chukwuuweebuukaa Enekweechii atileetii Naayijeeriyaa dorgommii Komanweelzi 2018 irratti 2ffaa ba'uu danda'edha.
Dorgommii Addunyaa 2019 irrattis 8ffaa ba'uun atileetii dhiiraa Naayijeeriyaa xumuraaf ga'e isa jalqabaa ta'ee jira.
Usheeworiitisee Itiseekiirii atileetii Naayijeeriyaa dorgommii Taphoota Afriikaa, Raabaat keessatti geggeeffame irratti meetira 100 sekondii 10.02'n galuun meedaaliyaa (Nahaasaa) idil addunyaa jalqabaa argatedha.
Estar Tookoo atileetii Naayijeeriyaa 2019'tti Taphoota Afriikaa Bishaan irraa Keeppi Verdeetti qophaa'erratti meedaaliyaa birrii fi nahaasaa argattedha.
Tookoon Tookiyootti yeroo jalqabaaf Olompiikii irratti hirmaatti. Kunis lammii Naayijeeriyaa ishee jalqabaa biyya keessaa ka'uun Olompiikii irratti biyyashee bakka buute ishee taasisa.
Ayoomiidee Imaanu'eel Beeloo gosa dorgommii kanarratti dubartii Naayijeeriyaa yeroo jalqabaaf bakka bu'uun yeroo jalqabaaf Olompiikii irratti hirmaatti.
Beeloon 2019 Raabaatitti dorgommiiwwan C-1 200m, C-1 500m, C-2 200m and C2 500m jedhamaniin meedaaliyaa warqee afur mootee jirti.
Roodnii Gooviindan Siiyshalsi bakka bu'uun Olompiikii Tookiyoo irratti hirmaata.
Riyootti aansuun kun Olompiikii 2ffaa isaati. 2019'tti nama ispoortii cimaa Siiyshalsi jedhamuun badhaafameera.
Wayid Vaan Niyeerkerki Afriikaa Kibbaa bakka bu'uun Riyootti meetira 400'n meedaaliyaa warqee mooeera.
Atileetii Ameerikaa Maayikil Joonsan injifachuun sekondii 43.03'n riikoordii haaraa galmeessisee ture.
Chaad Le Kiloos warqee Olompiikii Landan fi birrii lama Riyootti injifate dabalatee meedaaliyaawwan hedduu Afriikaa Kibbaaf moo'eera.
Akaanii Simbiinee Afriikaa Kibbaa bakka bu'uun Taphoota Koomanweelzi 2018 irratti meedaaliyaa warqee fiigicha meetira 100'n moo'eera.
Atileetiksii Addunyaa 2019 irratti 4ffaa ba'e.
Keeyitliin Ruuskiraantiz Olompiikii irratti yeroo jalqabaaf hirmaachuuf qophiirra jirti.
Lammiin Afriikaa Kibbaa kun 2018'tti dorgommii jiminaastiikii Afriikaa, 2019'tti ammoo Waancaa Jiminaastiikii Addunyaa Hangaariitti qophaa'e irratti injifattuu turte.
Olompiikiin Tookiyoos kan jalqabaasheeti.
Eerin Isterkanbargi Afriikaa Kibbaa bakka buutee gosoota ispoortii 5 haaraa dabalaman keessaa tokko kan ta'e, yaabbachuudhaan Olompiikii Tookiyoo irratti hirmaatti.
2020 keessa Dorgommii IFSC A.Kibbaa mootee jirti.
Henrii Shooman Taphoota Koomanweelzi kan 2018 irratti Afriikaa Kibbaa bakka bu'uun gosa ispoortii kanaan warqee argateera.
Olompiikii Riyoo 2016 irrattis nahaasa argachuu danda'eera.
Boyipeeloo Awuuwaa dorgomaa iskeetboolii Olompiika irratti Afriikaa Kibbaa bakka buutu ishee jalqabaati. Akkasumas shamarree umuriin xiqqaa Afriikaa keessaa deemtudha.
Gareen Raagbii Afriikaa Kibbaa Biliitizbooksi jedhamuun beekaman Riyootti meedaaliyaa nahaasaa injifataniiru.
1997'tti Waancaa Ragbii irratti 2ffaa ba'ani.
Owusaamaa Meeluuliin atileetii Tuniiziyaa bishaan daakaa fageenya dheeraa irratti hirmaatu yoo ta'u, 2008 Olompiikii Beeyijiingitti meetira 1500'n, maaraatoonii dhiirotaa km10 Landanitti 2012'tti warqee argateera.
Maarwaa Amriin lammii Tuniiziyaa wal'aansoon biyyattii bakka buutu yoo taatu, Riyootti nahaasa mootee jirti. Kunis dubartii Afriikaa ishee jalqabaa meedaaliyaa wal'aansoon argatte ishee taasiseera.
Ines Buubakrii Olompiikii Riyoo irratti dorgommii kanaan nahaasa argachuu dandeessee jirti.
Jaakoob Kiipliimoo atileetii Ugaandaa dorgommii Gooldan Gaalaa Daayimandi Liigiiin meetira 3000 dorgomee xumuree jira.
Riyootti aansuun Tookiyoon Olompiikii yeroo 2ffaaf itti hirmaatu ta'aafi.
Roonaaldi Musaagaalaa dorgommii meetira 1,500 Riyootti dorgomeen Olompiikii irratti hirmaachuu eegale.
Daayimandi Liigii Landan fi Paariisitti 2019 keessa qophaa'e irratti warqee argate.
Jooshuwaa Cheemteegee atileetii fageenya dheeraa Ugaandaa bakka bu'uun Atileetiksii Addunyaa 2019 irratti warqee argatedha. Riikoordii haaraas meetira 5.000'n Daayimandi Liigii Moonaakoo irratti galmeessiseera.
Peeruuz Chemutaayi gufachiisaan Ugaandaa bakka buuti. Olompiikii Riyoo irratti meetira 3,000'n dorgomtee jirti.
Dorgommii Atileetiksii Addunyaa 2019 irrattis meetira 3,000'n 5ffaa baatee xumurte.
Garen kubbaa miilaa biyyaalessaa Kooppar Kuwiinsi yookaan Shii-Pooloopooloo jedhamuun beekaman yeroo jalqabaaf Olompiika irratti Tookiyootti hirmaatu.
Iskoot Viinsanti bara kana yeroo jalqabaaf Olompiikii irratti hirmaachuufi. 2019 dorgommii goolfii Jaappaanitti taasifame irratti 4ffaa ta'ee xumure.
Gareen Kubbaa Kaachoo Naayijeeriyaa D'Tigers jedhamuun beekaman Dorgommii Waancaa Kubbaa Kaachoo Addunyaa 2019 irratti ture qabxii Oloompikii Tookiyoo 202 isaan gessuu kan galmeessisan.
Gareen Kubbaa Kaachoo Naayijeeriyaa D'Tigers jedhamuun beekaman Dorgommii Waancaa Kubbaa Kaachoo Addunyaa 2019 irratti ture qabxii Oloompikii Tookiyoo 202 isaan gessuu kan galmeessisan.
Chaampiyoononni Adoolessa 2021 keessas Awustiraaliyaa fi USA tapha michummaatiin injifatanii jiru.
Gareen kubbaa harkaa Angoolaa The Pearls jedhamuun beekaman Dorgommii Kubbaa harkaa Afriikaa 2021 injifatanii jiru.
Xumura nuusaa irratti injifatamuun keessaa kan ba'am Olompiika riyoo 2016, 8ffaa ta'uun xumurani.
Mala:
Atileetonni Afriikaa kunneen naannolee ardichaa garagaraa bakka bu'u. Muuxannoo olimpiikii, lakkoofsa meedaaliyaa fi adda ta'uu gosa ispoortii dorgoman irratti bu'uureffachuun filatamani.
Qopheessitoonni:
Qabiyyee qopheessuu: Inkeechii Ogboonaa, Piriinsas Abumeeree fi Mutoonii Muchiirii. Dizaayiniin kan Olaaniiyii Adebiimpee fi Miilisanti Waachiira. Marsariitii kan midhaasse: Piiwuritii Biriir. Gargaarsa dabalataa: Saalii Mooraalees fi Selestiin Kaaroonii.
Getty Images, The International Basketball Federation, AFP, Nigerian News, Nigerian Rowing Canoeing and Sailing Federation, Nigerianews, Mekseb Debesay, Sailing Club of Mozambique, Giana Farouk, EPA, Press Focus/News Pix via PA, Erwythereyet via Twitter, Bruce Viaene via Olympics, ClimbZA, DW via Club of Mozambique.
