Enfield stabbing: Timothy Adeoye f'ojú balé ẹjọ́ lórí ẹ̀sùn ìpànìyàn nílùú London
Oríṣun àwòrán, MET POLICE
Ileeṣẹ ọlọpaa ilu London ti fẹsun ipaniyan kan ẹni ọdun mejidinlogun kan, Timothy Adeoye.
Wọn fẹsun kan Adeoye pe o ṣekupa akẹgbẹ rẹ ti oun naa ko tii pe ẹni ogun ọdun, iyẹn Donovan Allen, lẹyin to gun oloogbe naa lọbe pa.
Awọn ọlọpaa ni awọn ṣawari Allen nile kan lagbegbe Ayley Croft, ni Enfield, lọjọ Keje, oṣu Keji, ọdun yii.
- Iléeṣẹ́ ọlọ́pàá dárúkọ àwọn ọlọ́pàá mẹ́rin tó ń bá Abba Kyari ṣiṣẹ́ pẹ̀lú àwọn tó ń gbé oògùn olóró
- A ṣì lè yanjú ọ̀rọ̀ Ukraine ní ìtùbí-ìnùbí - Russia
- Barrister ló sọ mí di èèyàn ńlá - Ayinla Kollington
- Ki lo ṣokunfa ikọlu to n waye si ẹni to ba wọ aṣọ Sunday Igboho tabi Yoruba Nation n'Ibadan?
- Makinde buwọ́lu Sẹ́nẹ́tọ̀ Lekan Balogun gẹ́gẹ́ bí Olubadan tuntun
Lẹyin naa ni Donovan jade laye, bo tilẹ jẹ pe awọn oṣiṣẹ pajawiri gbiyanju lati doola ẹmi rẹ.
Ayẹwo oku rẹ fi han pe Donovan ku lẹyin ti wọn gun lọbẹ lẹẹkan ṣoṣo ni igba aya rẹ.
Wayi o, wọn ti wa fi afurasi naa si atimọle, yoo si foju bale ẹjọ majistreeti to wa ni Wilesden.
Yatọ si ẹsun ipaniyan, wọn tun fi awọn ẹsun mẹta mii kan afurasi ọhun bii igbiyanju lati digunjale, nini ohun ija oloro ni ikawọ, ati fifi abẹ dukoko mọ ẹlomiran laarin ilu.
Oríṣun àwòrán, PA Media
Ọpọ eeyan n ṣedaro Donovan to jade laye
Awọn mọlẹbi Donovan to di oloogbe naa sọ gbogbo awọn to mọ ọdọkunrin naa lo ni ifẹ rẹ denu.
Ninu atẹjade kan ti wọn fi lede, ẹbi naa ni o jẹ ẹnikan to dantọ ninu ohun gbogbo to ba n ṣe.
Wọn ni "Lati ibẹrẹ aye rẹ titi di akoko to dagbere faye, o jẹ ẹnikan to ni ẹran ifẹ lara."
"Bẹẹ ni o maa n gbadura fun gbogbo awọn ọrẹ rẹ ati mọlẹbi rẹ ni aarọ ati ni aṣalẹ."
"A ko le ṣakawe irufẹ ẹni ti Donovan jẹ ati bi a oo ṣe saaro rẹ to."
