Rògbòdìyàn bẹ́ sílẹ̀ lẹ́yìn tí àjọ elétò ìdìbò KWSIEC kéde pé APC jáwé olúborí ní gbogbo ìjọba ìbílẹ̀ Kwara
Ọgọọrọ awọn olufẹhonuhan ti ọpọ fura si pe wọn jẹ ọmọ ẹgbẹ oṣelu PDP ni ipinlẹ Kwara ni wọn ti ṣe iwọde lọ si Ileesẹ ajọ eleto idibo ipinlẹ naa KWSIEC.
Ohun ti wọn n sọ ni pe esi ibo ti ajọ naa kede ko tẹ awọn lọrun, pe o ni makaruru ninu.
Saaju ni ajọ KWSIEC kede pe ẹgbẹ oselu APC lo jawe olubori ni gbogbo ijọba ibilẹ mẹrindinlogun ati wọọdu 193 to wa ni ipinlẹ naa.
Ohun ti a ri ni pe ko si osisẹ ajọ naa lọfiisi nigba ti a de ibẹ sugbọn awọn agbofinro wa nibẹ lati daabo bo ọfiisi naa.
Ṣadeedee ni awọn kan bẹrẹ si n ko taya sita, ti wọn si n dana sun un.
Arakunrin kan to n lọ jẹjẹ lori ọkada fara ka sa iṣẹlẹ naa, wọn wọ ọ sọ kalẹ wọn si lu u lalubami.
Bi wọn ṣe n lu u lo n sa, ti wọn si n tẹ le e ko to di pe o raye sa wọ inu ọgba Ileesẹ ajọ naa.
Ariwo ti wọn n pa bi wọn ṣe n lu u ni pe ọkunrin naa jẹ ókan lara awọn osisẹ ajọ KWSIEC ti wọn ni wọn se mago-mago fun ẹgbẹ oṣelu APC ninu eto idibo to waye.
Akọrọyin kan ti oun naa wa nibi iṣẹlẹ ọhun sa asala fun ẹmi rẹ.
Ọrọ di bo o lọ ya n mi lọfiisi ajọ eleto idibo KWSIEC
Ọkunrin ti orukọ rẹ n jẹ Ibrahim Suberu, ṣalaye pe "mo jẹ osisẹ ijọba, mi kii se osisẹ ajọ KWSIEC, koda mi kii ṣe oloselu.
"Bọrọ ṣe jẹ ni wi pe, mo lọ ra ọja ni Shoprite, mo si n pada lọ sile mi lori ọkada ni mo ti ri awọn janduku yii, ti wọn n sun taya lori titi.
"Ohun ti mo kan sọ ni wi pe, ki lo de ti ẹ ba ọna jẹ? Bayii ni wọn ṣe wọ mi kuro lori ọkada ti wọn bẹrẹ si n lu mi.''
Ọgbẹni Suberu ni ''ki n to sẹju pẹ, mo ti ri ero pupọ lori mi, bi awọn kan ṣe n fun mi ni ipa, lawọn kan run mi ni igi, awọn alabara ati ẹsẹ ko niye.
"Wọn yi mi mọ inu gọta, mo tun dide, wọn ti n gbe taya si mi lọrun ki wọn sana sii, sugbọn mo tun yọra mi gba.
Mo sa wọ inu ọkọ awọn ọlọpaa sugbọn wọn lu mi wọ bẹ, awọn ọlọpaa o ri nkankan ṣe.
"Mi o mọ bi Ọlọrun se ran mi lọwọ lati sa kuro laarin wọn ti mo sa wọ inu ọgba Ileesẹ ajọ KWSIEC, wọn o lawọn o tẹle mi sugbọn awọn ọlọpaa ti ilẹkun.
Ọkunrin naa sọ pe oun o le pe iyawo oun lati sọ ohun tọju oun ri ko ma ba daku tori o wa ninu oyun.
"Mi o ri eru eyi ri laye mi, sugbọn mo dupẹ lọwọ Ọlọrun to ko mi yọ.''
Bi ọkunrin naa se n sọrọ naa lo n pe dokita rẹ, tori o ti rẹ ẹ.
APC jáwé olúborí gbogbo ìbò ìjọba ìbílẹ̀ 16, wọ́ọ̀dù 193 ní ìpínlẹ̀ Kwara
Ajọ eleto idibo ipinlẹ Kwara, Kwara State Independent Electoral Commission, (KWSIEC) ti kede pe ẹgbẹ APC lo jawe olubori nibi ibo ijọba ibilẹ to waye ni ipinlẹ ọun ni ana ọjọ kọkanlelogun osu kẹsan-an, ọdun 2024.
Ikede yi waye ninu atẹjade ti alaga ajọ ọun, Okanla Baba fi lede lẹyin ti wọn ka ibo naa tan.
Eto idibo naa lo waye kakiri wọọdu 193, ni ijọba ibilẹ 16 to wa ni ipinlẹ Kwara
Awọn ẹgbẹ marun-un ti wọn dije ninu idibo naa ni ẹgbẹ APC, APM, PDP, SDP, ati Accord.
Ninu ikede rẹ, Ọkanla Baba sọ pe lẹyin ti awọn farabalẹ ka awọn iwe idibo naa, ẹgbẹ APC lo jawe olubori gbogbo ibo alaga ijọba ibilẹ ati ibo alaga wọọdu (councilor) 193 to wa ni ipinlẹ Kwara.
O wa dupẹ lọwọ awọn ẹgbẹ to dije ọun fun gbigba alafia laaye ti eto idibo naa si lọ ni irọwọrọsẹ.
Bakanna lo kan sara si awọn oludibo fun titu yaya jade lati dibo fun oludije ti ọkan wọn fẹ.
Ẹwẹ, Okanla Baba gbosuba kare fun awọn agbofinro lori igbaradi ati ijafafa wọn lati ri pe ko si rogndiyan.
Wayi o, awọn ọmọ ẹgbẹ PDP n fapa janu lori esi idibo naa, wi pe ẹgbẹ awọn lawọn gbegba oroke.
BBC Yoruba gbọ pe awọn ọmọ ẹgbẹ naa n gbaradi bayi lati se iwọde ifẹhonuhan lori esi idibo naa.
Bayi ni awọn esi idibo naa se lọ gẹgẹ bi ajọ KWSIEC ṣe fi lede
Ifelodun LG
APC 22524
PDP 2727
APM 482
OYUN LG
APC 12159
PDP 356
APM 386
Oke Ero LG
APC 7472
PDP 1168
APM 224
ISIN LG
APC 8173
PDP 1165
APM 77
EDU LG
APC 23963
PDP 3851
APM 424
Patigi LG
APC 14,119
PDP 2,939
APM 806
MORO
APC 14,555
PDP 1670
APM 117
ASA LG
APC 15,024
PDP 2638
APM 41
ILORIN SOUTH LG
APC 20,207
PDP 2,072
APM 226
SDP 621
Baruten LG
APC 38,549
PDP 1335
APM 665
Ilorin East
Apc 20883
Pdp 5383
Sdp 475
Apm 835
Kaima
Apc 23,029
Pdp 1737
Apm 59
Ekiti LGA
Apc 8707
Pdp 907
Apm 966
Offa
Accord 1919
APC 22,400
Pdp 1586
Apm 636
Sdp 391
Ilorin west
Apc 50128
Pdp 4202
Apm 1882
Irepodun
Apc 14010
Pdp 2106
Apm 559
Sdp 239
