Sunday Igboho Health Condition: Ààrẹ Talon, a fẹ́ kí ẹ pàṣẹ ìtúsílẹ Igboho kí o ba à lè rí ìtọjú gbà- Koiki

Ìye àkókó tí a fi kà á: Ìṣẹ́jú 2

Asiwaju Igbimọ Yoruba lagbaye, Yoruba World Congress,Ọjọgbọn Banji Akintoye ti ni kawọn alatilẹyin idasilẹ Yoruba Nation fọkan balẹ lori idande Sunday Igboho.

Sunday Adeyemo Igboho to jẹ ọkan gbogi ninu awọn to n ja fun ẹtọ Yoruba wa ni ahamọ awọn agbofinro ni orileede Benin.

O ti to ọjọ mẹta to wa nibẹ ti awọn to sunmọ si n paya lori ipo ti alaafia rẹ wa.

Ninu fọnran fidio kan ni alagba Naji Akintoye ti n ba awọn eeyan sọrọ loju opo Instagram pe awọn tawọn jẹ Baba fun Igboho ko da Igboho da bukata ara rẹ ni Benin.

''Awa taa jẹ Baba rẹ, a ko kuro nibi. Laipẹ yi ni ọrọ yoo niyanju''.

Àwọn Òṣèré fíìmù Yorùbá tẹ́ ò ro tó tí jápaa lọ ìlú Òyìnbó rèé

Obìnrin tó bá ń gbé bùkátà kò ní ọkọ kódà kó wà nílé ọkọ - Kemi Afolabi

Facebook ń ṣàkóbá fún ọpọlọ ọmọdé ó sì ń káàrẹ̀ bá ìjọba àwaarawa, àṣírí tú! - Òṣìṣẹ́ iléeṣẹ́ Facebook

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Ọjọgbọn Banji Akintoye sọ pe idaduro to n waye ko ṣẹyin bi awọn adajọ orileede Benin ṣe maa n gba isinmi lọdọọdun eyi to fa ti wọn ko fi tete yanju ọrọ Sunday Igboho.

O tẹsiwaju pe lọjọ Iṣẹgun to kọja ni wọn gbe Sunday Igboho lọ si ile ẹjọ lẹyin tawọn adajọ wọle pada sẹnu iṣẹ.

Agbaọjẹ ajafẹtọmọniyan yi dupẹ lọwọ awọn alatilẹyin Igboho to si ni ''asiko ti to ki awa Yoruba kuro ni orileede Naijiria ki a si ni orileede tiwa.''

Ipo wo ni Sunday Igboho wa paapa nipa alaafia rẹ

BBC ko ribi fidi ọrọ mulẹ nipa ipo alaafia Sunday Igboho ju nkan ti agbẹnusọ rẹ Olayomi Koiki fi sita ninu atẹjade kan.

Akori atẹjade naa to wa loju opo Instagram rẹ lede Gẹẹsi ati Faranse ni pe Oloye Sunday Igboho nilo itọju kiakia.

Koiki sọ pe awọn fẹ ki aarẹ orileede Benin Patrice Talon lo ipo rẹ lati seto itọju Sunday Igboho nitori ailera rẹ.

Koiki ko sọ ibi to ti fẹ ko gba itọju tabi iru ailera to n ba Sunday Igboho ṣugbọn o ni ko ni da a to ki nkan ṣẹlẹ si Igboho lakata ijọba Benin to wa.

''Aarẹ Talon, ẹ jọwọ ẹ bawa fẹnu si ọrọ ki wọn baa le tu Igboho silẹ nitori ilera rẹ nilo itọju kiakia''

''A mọ pe ẹ lagbara lati ṣe nitori a ko fẹ ki nkankan ṣẹlẹ si lasiko to wa labẹ ahamọ lorileede yin''

Lati ogunjọ oṣu Keje ni Oloye Sunday Adeyemo Igboho ti wa ni ahamọ lorileede Benin.