Femi Adesina: Ilé ẹjọ́ ju ẹni tó n gbé àwọ̀ Femi Adesina wọ̀ sí ẹ̀wọ̀n ọdún 28, ó tùn pàdánù dúkìá
Oríṣun àwòrán, femi adesina/nigerian tribune
Ọ̀gà fi aṣọ ti ẹ silẹ, o n da aṣọ alaṣọ bora.
Ọrọ yii gan-an lo ti sọ Alfa kan, Jamiu Isiaka, deero ẹwọn bayii nipinlẹ Kwara, nitori pe o n gbe awọ ẹlomiran wọ.
Ọjọ Ọjọbọ ni Onidajọ Mahmud Abdulgafar, ti ile ẹjọ giga ijọba ipinlẹ Kwara dajọ ẹwọn ọdun mejidinlọgbọn fun Isiaka nitori pe o n fi ara rẹ pe Femi Adesina, agbẹnusọ Aarẹ Muhammadu Buhari.
Ajọ EFCC lo gbe Alfa naa lọ sile ẹjọ ni ọjọ kẹrinla, oṣu Kẹfa,ọdun 2019, fun ẹsun mẹrin to nii ṣe pẹlu pipe ara rẹ ni ẹlomii, jibiti, ati gbigba owo pẹlu irọ.
Wọn fi ẹsun kan Jamiu pe o n fi ara rẹ han gẹgẹ bi Ọgbẹni Femi Adesina, o tun pe ara rẹ ni Ọga Agba ajọ NNPC tẹlẹ, Maikanti Baru, lati lu ọmọ orilẹ-ede South Korea kan, Keun Sig Kim ni jibiti ọgbọn miliọnu Naira.
- Ọmọ ìkókó yìí bẹ̀rẹ̀ ǹkan oṣù l'ọ́mọ oṣù mẹ́rin, ó tún kojú àìsàn jẹjẹrẹ ilé ọmọ
- Ẹ bá wa bẹ̀ BB Naija kò bẹ̀rẹ̀ Big Mama nàá, mo ṣetán láti ṣí ara sílẹ̀ nítorí owó - Fali Werepe
- Orúkọ tó burú ju afẹ̀míṣòfò lọ ló yẹ kí Buhari pe àgbébọn - Afenifere, Arewa
- Ǹkan tí wọ́n kọ fún Buhari ló kà, Sunday Igboho kò ṣẹ̀ s'ófin- Ilana Omo Oduduwa
- Iléẹ̀kọ́ fásitì OAU dí títì pa lórí akẹ́kọ̀ọ́ tó gbẹ́mì mì ní iléwòsàn fásitì
Jamiu sọ fun Sig Kim pe oun yoo baa gba iwe aṣẹ lati le maa ra epo rọbi ni Naijiria.
Amọ nigba ti wọn n fi ọrọ wa Jamiu lẹnu wo, o ni oun lo owo naa lati fi ṣe etutu fun ọkunrin naa ni.
Gẹgẹ bo ṣe sọ, o ni oun fi owo naa ra ẹyẹ igún, awọ eerin, agbari kiniun ati ẹdọ inaki fun etutu naa.
EFCC sọ pe ẹsun naa tako ofin iwa jibiti ti ọdun 2006.
Alfa Jamiu sọ pe oun ko jẹbi nigba ti wọn kọkọ gbe e lọ sile ẹjọ, amọ ko ri nkankan fi tako awọn ẹsun naa lasiko ti igbẹjọ n waye.
- Aṣírí tú! A ti mọ àwọn tó ń ṣagbátẹrù Sunday Igboho àti Nnamdi Kanu nínú ìjọba - Buhari
- A fẹ́ rí ojú ẹni tó pa ọmọ wa àti òdodo nípa ikú rẹ̀ - Ẹbí Monsura Ojuade
- 'Àyẹ̀wò ìdákọ́ńkọ́ mi gẹ́gẹ́ bí akọ́ṣẹ́mọṣẹ́ nípa ìhùwàsí ọmọde fihàn pé Baba Ijesha fọwọ́ kan ọmọ Princess lọ́nà tí kò tọ́'
- Ayé ò! Báyìí ní ọwọ́ FBI ṣé tún tẹ àwọn gbájúẹ̀ ọmọ Nàìjíríà 11 ní Texas
Onidajọ Abdulgafar sọ pe gbogbo ẹri ti EFCC ko wa sile ẹjọ fihan pe lootọ ni Jamiu jẹbi ẹsun mẹrin ti wọn fi kan an.
Eyi si lo mu ko dajọ ẹwọn ọdun meje fun ikọọkan awọn ẹsun naa.
Amọ, yoo ṣe ẹwọn naa papọ ni.
Bakan naa ni onidajọ naa tun sọ pe ki ijọba gbẹsẹ le awọn dukia kan ti wọn gba lọwọ Alfa Jamiu, eleyi to fi èrè jibiti naa ra.
Lara awọn dukia naa ni ile oni yaara mẹrin kan, ọkọ ayọkẹlẹ Toyota Corolla kan, Plasma TV kan, firisa, ẹrọ amunawa, ẹrọ to n fọ aṣọ ati ẹrọ amuletutu.
