Self defence Gómìnà Katsina ṣàlàyé ìdí tó fi ní káwọn èèyàn máa di ìhámọ́ra ogun
Oríṣun àwòrán, other
Gomina ipinlẹ Katsina, Aminu Bello Masari ti ṣalaye idi to fi ni ki araalu maa di ihamọra ogun lati daabo bo ara wọn lọwọ awọn janduku afẹmi ṣofo.
Masari ni awọn eeyan ko kan le maa kawọ gbera ki awọn janduku maa pa wọn ni ipakupa.
Gomina Katsina ṣalaye pe awọn ẹṣọ eleto abo ko to lati pese abo to peye fawọn araalu.
- Gómìnà ìpínlẹ̀ kan rèé tó ní kí aráàlú ó lọ ra ìbọn láti dáàbò bo ara wọn lọ́wọ́ àwọn agbébọn
- Iléẹjọ́ ní kí alága gbogbogbò PDP, Uche Secondus lọ rọ́kùn nílé
- Ọlọ́run nìkan ló lè ní kí Tinubu má jẹ ààrẹ lọdún 2023, ìmọ̀ràn lọ̀rọ̀ Yahaya Bello- Joe Igbokwe
- Wo ìgbà mẹ́ta tí Olusegun Obasanjo ti fi ìdọ̀bálẹ̀ nàá fẹ́lẹ́fẹ́lẹ́ níwájú àwọn oríadé
- Àwọn jàndùkú afẹ̀mí-ṣòfò ṣekúpa èèyàn 24 ní Kaduna àti Katsina lọ́jọ́ kan ṣoṣo
- Èyí ni ojú ọ̀nà àrèmabọ̀ fáwọn ẹrú ní Badagry
- Ọmọ ọdún márùn-ún tó jẹ́ ògbóntagí èdè Yorùbá, Adigun Olowe jẹ oyè nílùú Eko
Masari ni bi ijọba ṣe n gbiyanju agbara rẹ to lati pese abo fun araalu, ojoojumọ lẹmi awọn alaiṣẹ n ṣofo lọwọ awọn ajinigbe.
Awọn ti wọn ko ba pa, niṣe ni awọn ajinigbe pawo n gbe wọn lọ.
''Ijọba gbiyanju lati jiroro pẹlu awọn janduku afẹmi ṣofo yii, ṣugbọn pabo ni gbogbo rẹ ja si.
Ohun to jẹ ko ri bẹẹ ni pe awọn janduku yii ko ni olori kankan ti wọn le gbọran si lẹnu.
Oriṣiiriṣii ẹgbẹ janduku afẹmiṣofo lo wa ninu igbo ti wọn n ṣọṣẹ kaakiri.
Awọn ẹṣọ alaabo naa ko to nkan, sọja meloo lo wa nipinlẹ Katsina gan an?
Wọn o pọ nitori ọrọ eto abo to mẹhẹ gbogbo Naijiria lo kan.
Eyi gan an lo ṣakoba fun wa ni Katsina tori awọn eeyan ko kan le maa ka ọwọ gbera ki awọn janduku ṣi maa pa wọn.
Nibo ni wọn fẹ sa lọ, ti wọn ba sa kuro labule wọn?
O ṣe pataki fawọn araalu lati dide bayii, ki wọn si sa apa wọn lati gbaruku ti ijọba lori eto abo to mẹhẹ.
Nkan ti yatọ si ti ọdun to lọ ṣugbọn alaafia ko tii jọba tan nipinlẹ Eko.
Inu mi ko le dun gẹgẹ bi adari ipinlẹ Katsina ti awọn janduku ba tẹsiwaju si ni fẹmi awọn eeyan ṣofo tabi ki wọn maa ji wọn gbe pawo,'' Masari ṣalaye.
