Toll Gates Fees: Owó bodè táwọn ọkọ̀ yóò san wà láàrin ₦200 sí ₦500 fún ìrìnàjò kan
Oríṣun àwòrán, FGN
Igbimọ alasẹ Naijiria ti buwọlu gbigba owo bode loju popo (Tollgate) pada lawọn opopona nla alabala meji, kaakari orilẹ-ede yii.
Awọn ọkọ aṣoju ilu, ọmọ ogun, kẹkẹ ẹlẹsẹ mẹta, ati ọkada nikan ni eto naa yọ silẹ.
Minisita fun iṣẹ òde ati ile gbigbe, Babatunde Fashola lo kede igbesẹ tuntun yii ni Ọjọru, lasiko to ba awọn akọroyin sọrọ lopin ipade ọlọsẹẹsẹ igbimọ alasẹ ti Igbakeji Aarẹ, Yemi Osinbajo dari.
Àwọn iròyin tì ẹ leè ní ìfẹ̀ síí:
- Ara àwọn alátìlẹyìn Tinubu láti di ààrẹ kò yá, wọ́n nílò àyẹ̀wò ọpọlọ - Bode George
- Iléeṣẹ ọlọpàá mú ọgá àgbà iléèkó nítorí pé o fipá bá akẹkọọ lò pọ
- Èyí ni ìgbà tó ṣeéṣe kí Twitter padà sẹ́nu iṣẹ́ ní Nàìjíríà
- Instagram gbé Èròjà tuntun jáde láti dẹ́kun ìdẹ́yẹsí, wo bí o ṣe lè lòó
- Ọwọ tẹ Mohammed, afurasí fúlàní darandaran tó gbé ìbọn AK47 nípìnlẹ Ogun- Iléeṣẹ ọlọpàá
- Ọba alayé kan àti gómìnà kọ ẹnu ìfẹ́ sí mi, kí n tó fẹ́ Mr Lawal - Lizzy Anjorin
Igbesẹ ti ijọba gbe yii waye lẹyin bi ogun ọdun ti isejọba Olusegun Obasanjo wo gbogbo awọn ibudo ti wọn ti n gbigba owo tollgate ni Naijiria ni ọdun 2003.
Ọgbẹni Fashola sọ pe, awọn opopona ti wọn o ti ma a gba owo yii jẹ ìdá mẹrinnla ati diẹ ninu opopona ẹgbẹrun marundinlogoji to jẹ ti ijọba apapọ, to si tun jẹ abala meji.
Owo ti awọn ọkọ yoo ma a san yoo wa laarin igba Naira si ẹẹdẹgbẹta Naira, ni irinajo kan.
O ni ni bayii ti igbimọ alasẹ ti fọwọ́ si dida sisan owó toll gate pada ni awọn opopona kan, ileesẹ ìjọba ti oun n dari ti ṣe tan lati bẹrẹ awọn nkan ti yoo sọ bi eto naa yoo ṣe tete bẹrẹ.
Sugbọn sa, Fashola sọ pe kii ṣe 'ọ̀la' (kíákíá) ni eto naa yoo bẹrẹ.
Fashola sọ pe eto naa ko ni i bẹrẹ titi gbogbo àwọn opopona ti ọrọ kàn yoo fi wa ni ipo to dara fun ọkọ̀.
Bakan naa lo sọ pe wọn yoo dunadura pẹlu awọn ileesẹ ìjọba to yẹ lori ọna ti wọn o gbe e gba."
O ni kii ṣe atunse àwọn oju popo nikan ni wọn o ma a fi owo to ba n wọle ṣe, o ni ijọba yoo tun ma a fi la àwọn ọna miran.
Ati pe ilana imọ ẹ̀rọ igbalode ni wọn o fi ma a gba owo ni tollgate, ki akoyawọ le wa.
