Nigerian Drone Maker: Roqeeb Aderogba ní ìgbà mẹ́fà l‘òun kùnà láti ṣe dírónù, kó tó yege

Ohun to ba n wu ni, nii pọ lọla ẹni, ologun ẹru ku, asọ rẹ jẹ ọkansoso, smọ ti yoo ba si jẹ asamu, kekere ni yoo ti maa jẹ ẹnu samusamu.

Lati igba ewe ni Roqeeb Aderogba ti maa n sewadi ninu ara rẹ pe bawo lo seese fun baalu lati maa fo lai naani bo se tobi si.

Igba yii si ni ọmọde naa ti pinnu pe imọ ẹrọ nipa baalu sise ni oun yoo lọ kọ ti oun ba dagba nile ẹkọ fasiti.

Lẹyin ti ọpọ igbiyanju rẹ lati wọ ile ẹkọ fasiti kan lorilẹede India kuna, nibi to ti fẹ lọ kọ ẹkọ nipa sise baalu, Roqeeb ba gba fasiti Ladoke Akintola, LAUTECH nilu Ogbomoso lọ.

Lautech si lo ti n kọ ẹkọ nipa imọ ẹrọ Chemical Engineering.

Amọ ipele eto ẹkọ ọlọdun kẹta lo wa to fi tun kuro nibẹ, to si lọ bẹrẹ eto ẹkọ nipa kikọ nipa baalu sise nile ẹkọ fasiti ipinlẹ Kwara.

Àwọn ìtàn mánigbàgbé tì ẹ leè ní ìfẹ̀ síí:

Lọwọ lọwọ bayii, Roqeeb ti se baalu kekere ayaworan dironu, taa mọ si Drone, lẹyin igba to ti kuna fun igba mẹfa ọtọọtọ lati se e.

Roqeeb Aderogba ba BBC Yoruba sọrọ nipa iriri rẹ naa, to si se afihan awọn baalu kekere to ti se.