Yoruba Films: Ireoluwa ṣ'ọjọ́-ìbí, Mide àti ọkọ rẹ̀ lẹ̀pọ̀, Iyabo Ojo f'aṣọ ilẹ̀ Afirika dárà
Oríṣun àwòrán, Instagram
Ọjọ nii pẹ, ipade kii jinna. N jẹ ẹ mọ pe ọmọ ti Ọlọrun fi ta idile Toyin Abraham ati ọkọ rẹ lọrẹ ti ṣ'ayẹyẹ ọjọ ibi ọdun kan.
Eyi ni awọn ohun to ṣẹlẹ lagbo awọn oṣere tiata lọsẹ yii.
Toyin Abraham
Bi ọmọde o ku, agba ni i da. Ire Oluwa, ọmọkunrin lanti-lanti ti Eleduwa fi jinki idile gbajugbaja osẹre, Toyin Abraham ati ọkọ rẹ, Kolawole Ajeyemi ti pe ọdun kan.
- Mi ò tí ì mọ obìnrin rí; kódà, mí ò ní 'Girlfriend'- Mr Macaroni
- Funke Akindele fún mi lówó tí mo fi gba ilé, kò ra ilé fún mi o - Ajirebi
- Ọ̀rọ̀ ìtàjẹ̀sílẹ̀ ní Nàìjíríà yìí tí ń kọ àwa Oṣo àti Àjẹ́ lóminú, a fẹ́ wa ǹkan ṣe síi
- Ìpànìyàn tún wáyé ní Akinyele, àwọn ará àdúgbò ṣe ìwọ́de
- Mọ̀ síi nípa Shina Rambo tó pàdé Jesu lọ́gbà ẹ̀wọn lẹ́yìn tó ti jalè
- Ìjàmbá ṣe wá ní Barcelona, aṣọ ò bá Ọmọ́ye wa mọ́- Gerard Pique
Ọjọ kẹtala oṣu kẹjọ ọdun 2020 yii naa ni Ire pe ọmọ ọdun kan loke eepẹ, eyi ti awọn obi rẹ fi n dupẹ lọwọ Eleduwa ti O da ọmọ naa si i.
Kolawole pẹlu aya rẹ Toyin lo fi aworan ọmọ naa sori oju opo Instagram wọn nibi ti wọn ti ọrọ iṣiti ati idupẹ lori ọjọ ibi Ire Oluwa.
Mide Martins
Mide Martins ati ọkọ rẹ, Afeez Owo lẹ pọ ninu sinima ti akori rẹ n jẹ ''SALAWA.''
Aworan Mide ati Afeez Owo lo han gbagada lori paali sinima ''SALAWA'' naa.
Sinima naa da lori ọmọbinrin kan, ''SALAWA'' to sọ ara rẹ nu, to gbagbe ile. Ẹkunrẹrẹ wa ninu sinima ọhun.
Wumi Toriola
Yoruba bọ, wọn ni bi ile da bi ko da, awọ ni ẹ wo. Eyi lo mu ki oṣere Wumi Toriola jawe s'obi ninu fọto to fi si oju opo Instagram rẹ.
Wumi ṣalaye pe o ṣe pataki fawọn ọdọmọbinrin lati ni aṣọ to juju n gbese eyi to yoo maa mu wọn ri bi ọmọ kekere ni gbogbo igba.
O fikun ọrọ rẹ pe niwọn igba ti obinrin to ba ti n dagba ko le lanfaani lati di ọdọmọbinrin pada, o ni wiwọ aṣọ to ba igba mu lọna miiran ti obinrin fi le da bi ''ayọngẹ.''
Iyabo Ojo
Aṣa ilẹ Afirika ni Iyabo Ojo gbe larugẹ lọsẹ yii loju opo Instagram rẹ.
Niṣe ni gbajumọ oṣere Iyabo ko sinu aṣọ alaranbara to ni awọ dudu ati funfun ninu eyi to ti n ṣakọ ninu fọto to ya.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post, 1
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post, 2
Oriṣii ara ni Iyabo da ninu aṣọ to wọ ọhun, bi o ṣe n yanu si atẹgun lo tun duro siwaju ile awo dami ẹnu kan to fi ya fọto.
