Kogi attack: èèyàn mọ́kàndínlógún pàdánù ẹmi wọ́n ninu ikọlù náà
Oríṣun àwòrán, Getty Images
Ileeṣẹ ọlọpaa nipinlẹ Kogi sọ pe awọn agbebọn ti pa eeyan mọkandinlogun ni ilu Twari ni ijọba ibilẹ Kogi ni ipinlẹ Kogi.
Alukoro ọlọpaa ASP William Aya lo fidi ọrọ yi mulẹ fun BBC .
William Aya sọ pe yatọ si awọn eeyan to padanu ẹmi wọn,awọn agbebọn naa tun sọ ina sawọn ile ti awọn oniroyin kan si sọ pe wọn dana sun ile baalẹ kan nibẹ
- Ọ̀jọ̀gbọ́n fásitì OAU pàdánù ẹ̀mí rẹ̀ lópoópónà Benin sí Auchi.
- Ẹ̀jẹ̀ yóò sàn pẹ̀lú bí Amerika se pa Ọ̀gáagún wa - Iran
- Abuja Bank Robbery: Inú oṣù kẹwàá ni mo ti ń ṣètò olè tí mo jà ní Báǹkì mi- Larry Ehizo
- Ọlọ́pàá Ondo sọ ohun tí wọ́n mọ̀ nípa ẹni tó pa Ọmọ Fasoranti
- Darandaran tun gbẹmi mẹẹdọgbọn ni Kogi
Lowurọ kutu ọjọ Ẹti lawọn alaburu yi yabo Tawari ti alukoro ọlọpaa si sọ pe awọn ko le sọ pato awọn to ṣe iṣẹ aburu yi.
''Kọmisan ọlọpaa ni Kogi ti ṣabẹwo sibẹ ti o si ti ni ki iwaadi bẹrẹ ni pẹrẹwu.Bẹẹ naa ni o sọ pe alaafia ti pada si agbegbe naa bayi''
William Aya tẹsiwaju ninu alaye rẹ pe awọn ọlọpaa kogberegbe to fi mọ awọn to n ṣiṣẹ ọtẹlẹmuye n pawọ pọ pẹlu awọn ọmọ ileeṣẹ ologun lati tọ pinpin awọn to wa nidi iṣẹlẹ yi.
Awọn oṣojumikoro kan sọ fawọn akọroyin Naijiria pe ikọlu naa j eleyi tawọn darandaran fi gbẹsan bi wọn ṣe pa awọn ajinigbe kan ti wọn fura si pe wọn jẹ Fulani lopopona Lokoja Abuja.
O sọ pe awọn eeyan ilu Tawari lo ta awọn agbofinro lolobo nipa awọn ajinigbe yi .
Alukoro ọlọpaa sọ pe ohun ko le fidi ọrọ yi mulẹ ṣugbọn iwadi ṣi n lọ lọwọ.
