Traffic gridlock: Sanwo-Olu fẹ́ sún ìrìnnà ọkọ̀ àjàgbé kúrò lọ́sàn sí òru l'Eko

Njẹ o mọ pe o ṣeeṣe ki irinna loju popo ni ọsan di eewọ fun gbogbo awọn ọkọ ajagbe nlanla ni ipinlẹ Eko?

Ọpọlọpọ awọn eeyan ni wọn ti n pariwo lori ọṣẹ ti awọn ọkọ ajagbe, yala eyi to n gbe epo ni tabi awọn ẹru miran, maa n ṣe lawọn oju popo; paapaa julọ ni ipinlẹ Eko.

Eyi gan an fẹẹ lo faa ti gomina ipinlẹ Eko, Babatunde Sanwo-olu fi kede pe laipẹ gbogbo irinna ọkọ to ba jẹ ajagbe ni wọn yoo fi mọọ si alẹ dipo ọsan tabi ojumọmọ.

O ni ijọba ipinlẹ Eko ti n le awọn ọkọ ajagbe kuro lagbegbe Iganmu bayii ki oju ọna lee la fun awọn to fẹ rinrinajo lọ si Apapa.

Gomina Sanwo-Olu ni ijọba Eko ti n fi orikori lori awọn ọna lati ṣakoso irinna ọkọ ni ipinlẹ Eko ki wọn si yanju iṣoro bi oju popo ṣe maa n di gadigadi.

Bakan naa lo ṣalaye pe atunṣe awọn oju popo ati oju odo yoo waye pẹlu ki ipinlẹ Eko lee tẹsiwaju gẹgẹ bii aayo awọn oludokowo gbogbo.