Muhammadu Buhari: Ààrẹ Nàìjíríà gba Saudi lọ sí ìlú London nílẹ̀ Gẹ̀ẹ́sì

Aarẹ orilẹede Naijiria, Muhammadu Buhari ti mori le ilẹ Gẹẹsi bayii lati orilẹede Saudi Arabia, lẹyin to kopa ninu eto Umrah ati apero kan to niiṣe pẹlu idokowo lọjọ iwaju.

Iroyin to tẹ wa lọwọ sọ pe, lọsan ọjọ Satide ọjọ keji oṣu kọkanla l'aarẹ filu Makkah silẹ lọ siluu London.

Aarẹ Buhari kopa ninu apero idokowo naa fun ọjọ mẹta to bẹrẹ lati ọjọ kọkandinlọgbọn eleyi to pari ni ọjọ kọkanlelọgbọn niluu Riyadh.

Aarẹ Buhari ṣepade pọ pẹlu Ọba ilẹ Saudi, Mohammed bin Salman lori bi ajọṣepọ to dan mọran yoo ṣe wa laarin Naijiria ati orilẹede Saudi sii lori ọrọ epo rọbi ati ati afẹfẹ gaasi.

Ninu ipade ti wọn jọ ṣe papọ, Ọba Saudi pe fun idasilẹ ajọ kan ti yoo maa ṣe igbelarugẹ idokowo laarin Naijiria ati Saudi.

Ẹwẹ, awọn gomina mẹta ti wọn kọwọọ rin pẹlu aarẹ Buhari lọ si Saudi Arabia ti pada silu Abuja.

Amọ, aarẹ Buhari rinrin ajo lọ si London pẹlu diẹ lara awọn iṣomọgbe rẹ ti wọn jọ lọ Saudi.