RevolutionNow: Falana àtàwọn míì ṣe àpérò l'Eko lẹ́yìn tí DSS kọ́kọ́ ti gbọ̀ngàn tí wọ́n fẹ́ lò pa
Ileeṣẹ ọtẹlẹmuyẹ, ọlọpaa atawọn ologun kọkọ ti ibi ti awọn ajijangbara kan ti fẹ ṣe apero lori ifẹhonu han #RevolutionNow ni Lagos Centre ni Ikeja lọjọ Aje.
Ṣugbọn agbẹjọro Femi Falana jade bi awọn oṣiṣẹ eleto aabo ti sọ fawọn akọroyin pe ki wọn ba eṣẹ wọn sọrọ.
Bakan naa lo bawọn eeyan sọrọ ko to wọ gbọngan ipade ọhun lọ.
Laisi ani ani, ipade naa pada waye ni Ikeja, niluu Eko lọjọ Aje.
Àjọ DSS ti gbọ̀ngàn ìpàdé #RevolutionNow pa ní Ikeja
Awọn ilumọọka ajijagbara bi Ọjọgbọn Wole Ṣoyinka, agbẹjọro Femi Falana atawọn mii la gbọ pe wọn fẹ pade ni Lagos Centre fun apero naa tẹlẹ.
Ṣugbọn akoroyin BBC, Andrew Gift to ṣabẹwo si gbọngan naa sọ pe wamuwamu lawọn oṣiṣẹ DSS, ọlọpaa atawọn ologun duro siwaju bẹ ti wọn ko si jẹ ki ẹni kankan wọ bẹ.
Ohun ti a gbọ ni pe wọn fẹ ṣapero lori ohun ti wọn pe ni iwa tani yoo mu mi ti ijọba gunle lori bi wọn ṣe ti Omoyele Ṣowore to ṣagbatẹru iwọde Revolution Now atawọn ajijagbara mii mọ le.
- Àwòrán àwòdamiẹnu rèé lásìkò ọdún Ọ̀ṣun Osogbo
- Àwọn èèyàn ń san ìdámẹ́wàá tó "Heavy" fún mi ni mo fi ń r'áànú ṣe - Iya Adura Esther
- Mo ti kó kúrò nílé Olu Jacobs rí lẹ́ẹ̀mejì- Joke Silva
- Èmi àti Saheed kìí ṣe ọmọdé, a ti jọ ṣe Sinimá papọ̀, èyí túmọ̀ sí pé ìjà ti parí - Fathia Balogun
- Ẹ wo adúrú ẹnu tí mó n bọ́ - Jaiye Kuti
Iroyin to tẹ wa lọwọ sọ pe ajọ to n ṣagbatẹru ifẹhonu han lati ja fun ẹtọ awọn ọmọ Naijiria, CORE lo fẹ pade ni Lagos Centre fun apero naa.
Yatọ si Ọjọgbọn Ṣoyinka ati agbẹjọro Falana, awọn eekan mi to tun wa lara ẹgbẹ naa ni Ọjọgbọn Omotoye Olorode, Ọgbẹni Femi Aboriṣade, Ọjọgbọn Anthony Kila, agbẹjọro Affiong L. Affiong ati bẹẹ bẹẹ lọ.
