Big Brother Naija: O tó gẹ́; a kò fẹ́ ìwòkuwò mọ́ ní Nàijíríà
Oríṣun àwòrán, @others
Ijọba apapọ orilẹ-ede Naijiria ti fi aidunnu rẹ han si ibalopọ ti o n waye lori eto Big Brother Naija (BBN), ti o n lọ lọwọ.
Otunba Segun Runsewe, Alakoso agba fun ile iṣẹ to n ri si ọrọ aṣa ati iṣe lorilẹ-ede Naijiria, National Council for Arts and Culture (NCAC), lo fi ọrọ yi lede.
O fi ero ijọba han nigba ti o gbalejo ààrẹ ẹgbẹ àwọn obinrin National Council of Women Society, Gloria Shoda, lọjọ Ẹti.
Ọtunba Roṣẹwẹ sọ pe oun ti fi ọrọ naa lọ ajọ to n mojuto igbohun safẹfẹ lorilẹ-ede yi, iyẹn NBC.
Bakan naa lo ṣalaye pe: "Mo maa mu ọrọ Big Brother Naija lọkunkundun".
Oríṣun àwòrán, @bbnaija
O ni: Mo ti ba awọn ajọ to n risi igbohun safẹfẹ lorilẹ-ede yi sọrọ, nitori pe ohun to n sẹlẹ lori BBNaija jẹ nkan ti o buru jai.
Biba ara eni ni ibalopọ lori afẹfẹ kii ṣe aṣa ilẹ wa rara."
Oríṣun àwòrán, @others
Gloria Shoda nitirẹ wi pe oun ko lodi si eto BBNaija, sugbọn biba ara ẹni lopọ lori afẹfẹ je ohun ti ko dara rara.
O tẹ siwaju wi pe, "iwa ibaraẹni lopọ lori afẹfẹ je ohun ti emi ko faramọ rara, o si tun jẹ nkan ti o leè ni ipa buburu lara awon ojẹ wẹwẹ to n bọ leyin."
Runsewe ni ijọba Naijiria yoo ṣagbekalẹ eto miran ti yooo maa fọn rere aṣa ati iṣe wa fun iran to m bọ yatọ si ti BB Naija to n ṣafihan ibalopọ.
Oríṣun àwòrán, @others
Akitiyan ileeṣe BBC lati ba aṣoju ile iṣẹ ti n ṣe amojuto ọrọ aṣa ati iṣe ni Naijiria ati ajọ BBNaija sọrọ lori koko ọhun bayii lo ja si pabo.
