Diezani Madueke: Díẹ̀ lára ohun ìni Diezani tí ilé ẹjọ́ gbẹ́sẹ̀ lé
Oríṣun àwòrán, EFCC
Ile ẹjọ ti ni ki awọn ẹṣọ ara kan, ati ẹrọ ibaraẹnisọrọ iphone oni goolu kan to jẹ ti Minisita nigba kan ri fun ọrọ epo rọbi, Diezani Alison-Madueke di igbagbe.
Gbogbo dukia ọhun ti apapọ owo wọn jẹ ogoji miliọnu dọla ni Onidajọ Nicholas Oweibo, ti ile ẹjọ giga ijọba apapọ to wa ni Ikoyi nipinlẹ Eko sọ pe ko di ti ijọba.
Ọjọbọ ni Onidajọ Oweibo gbe idajọ naa kalẹ lẹyin ti ajọ to n gbogun ti iwa ibajẹ ni Naijiria, EFCC kọ iwe ẹbẹ kan pe ki ile ẹjọ o ṣe bẹ ki igbẹjọ ẹsun iwa ibajẹ ti wọn fi kan Madueke o to maa tẹsiwaju.
Oríṣun àwòrán, Efcc
Ajọ EFCC, nipasẹ agbẹjọro rẹ, Rotimi Oyedepo, ṣalaye fun ile ẹjọ pe inu ile Madueke ni wọn ti ko awọn nkan iṣaraloge ọhun.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
EFCC sọ pe ara fu oun pe owo ti olujẹjọ ko jọ lọna aitọ lo fi ra wọn.
Ninu idajọ rẹ, Onidajọ Oweibo paṣẹ pe ki EFCC kede gbigbẹsẹ le awọn dukia naa ninu gbaju-gbaja iwe iroyin kan laarin ọjọ mẹrinla, lati fun olujẹjọ tabi ẹlomii to ba nifẹ ninu wọn ni anfaani lati sọ idi ti ijọba ko fi gbọdọ gbẹsẹ le wọn titi lai.
Oríṣun àwòrán, Efcc
Diẹ lara awọn ẹṣọ ara ọhun ni ẹgbà ọwọ (419); oruka ọwọ (315); yẹti (304); ẹgba ọrun (267); aago ọwọ (189); ẹgba ọrun ati yẹti alaṣepọ (174).
