Iyabo Ojo: Àwọn akọ̀ròyìn ń pè mí ní aṣẹ́wó tori n kò sí nílé ọkọ
Oríṣun àwòrán, iyaboojofespris/Instagram
Gbajugbaja oṣerebinrin to tun jẹ ilumọọka apanilẹrin lori ayelujara, Iyabo Ojo, ti sọrọ lori bi igbeyawo rẹ ṣe tuka.
Bakan naa lo mẹnuba iya to ni oun jẹ lọwọ awọn ọmọ Naijiria tori pe oun sọrọ soke.
Lasiko ayẹyẹ ọdun Ajinde ni Iyabo Ojo n fi eyi dupẹ lọwọ Ọlọrun gẹgẹ bo ṣe gbe aworan oun atawọn ọmọ rẹ mejeji saya.
- Ẹ wo ''Spider Man'' tó di agbálẹ̀ ní Osogbo
- Ìjọba Eko ti iléẹ̀kọ́ Chrisland pa torí ẹ̀sùn ìbálòpọ̀ láàrín àwọn àkẹ́kọ̀ọ́
- Nítorí orin 'Angeli mi' ti Tope Alabi kọ, iléeṣẹ́ MTN, Glo àti Airtel dèrò ilé ẹjọ́
- Ìdí nìyí tí àwọn Igbo kò lè jẹ Ààrẹ lórílẹ̀èdè Nàíjíríà - Oluwo
- Wo èsì ilé ìtura Zanzibar tí ọmọbìnrin yìí ní wọ́n fẹ́ fipá bá òun lòpọ̀ níbẹ̀
- Kókó pàtàkì márùn ùn rèé tí Bíṣọ́bù Kukah fi sọ ọ̀rọ̀ gbá ààrẹ Buhari nínú ìwàásù ọdún àjínde
- Ìpadàbọ̀sípò àti ọrọ̀ yóò wà fún Nàìjíríà - Osinbajo gbàdúrà
- Ọlópàá 16 farapa nínú ikọlù tó wáyé torí àwọn kàn gbèrò láti dáná sún Quran
- Akẹ́kọ̀ọ́ Seminary tó ń kópa nínú eré "Passion for Christ" kú lórí ìtàgé, bó ṣe ṣẹlẹ̀ nìyí
- Àwọn wo ní olùdíje ẹgbẹ́ òṣèlú PDP tó ń gbèrò láti rọ́pò Ààrẹ Buhari
Nibẹ lo si ti n kọ orin "Oṣuba rẹ ma re o" tọkan tọkan ninu fidio kan.
Labẹ fidio naa lo ti kẹnu bọ ọrọ to si ni "Ta a ni mi gan ti mi oni mọ oore rẹ, mi o ni dakẹ lati maa mọ riri rẹ Ọlọrun".
Lẹyin idupẹ ni Iyabo Ojo ba kẹnu bọ ọrọ iriri oun to ni aye sọ ọ da ati paapaa awọn alakalẹ bo ṣe ni awọn ọmọ orilẹede Naijiria yi kadara oun da tan, Ọlọhun ni ko gba.
Eni, eji, ẹta, titi dori aarun lo fi kọ ọrọ rẹ sabẹ onka eyi ti BBC Yoruba ṣe atupalẹ rẹ.
Awọn ọna ti Iyabo Ojo ni ọmọ Naijiria gba fiya jẹ oun:
Lakọkọ, iyabo Ojo ni awọn ọmọ Naijiria ṣe idẹyẹsi oun nitori pe oun kọ ọkọ silẹ.
Gẹgẹ bii oun to sọ, n ṣe lawọn eeyan maa n bu ẹnu atẹ lu oun laarin ilu nitori igbesẹ naa ti oun gbe.
O ni "Gẹgẹ bii abiyamọ ti ko si nile ọkọ, n ṣe lo da bi pe ilẹ okeere ni mo n gbe lai ni iwe igbelu lọwọ."
Lẹyin naa lo ni awọn akọroyin fun oun ni orukọ 'Aṣẹwo' to jẹ eyii to buru julọ ninu gbogbo ohun ti wọn ṣe fun oun.
Iyabo Ojo tun sọrọ lori bo ṣe jẹ oṣere tiata ati idojukọ to ba pade nibẹ
O ni "Iṣẹ tiata ti mo yan laayo fun awọn eeyan kan ni ẹri aridaju pe isẹ aṣẹwo gan ni mo n ṣe.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
Gbajumọ oṣere naa tun mẹnuba idojukọ to ba pade nitori pe ẹka iṣẹ tiata ede Yoruba lo ya si.
Wọn ni ara oko ni mi ti mo ba sọ Gẹẹsi:
Nitẹsiwaju ọrọ rẹ, Iyabo ni awọn kan pe oun ni ara oko ti oju rẹ ko ri ita, paapaa to ba sọ ede Gẹẹsi.
O ṣalaye pe ni ṣe lo maa n ya awọn mii lẹnu pe oun tilẹ le sọ ede Gẹẹsi to dan mọran lẹnu.
Lakotan, Iyabo ni awọn eeyan pe oun ni alainitiju lẹyin ti oun sọrọ soke nipa awọn iriri ile aye oun.
Lẹyin naa lo gba awọn ololufẹ rẹ niyanju lati dẹkun igbe aye to kun fun iwa eke tabi ayederu.
O ni "Jijẹ olootọ si ara mi ati okun inu ti mo ni, lo gbe mi de ipo ti mo wa loni yii."
"Mo maa tẹsiwaju lati maa sọrọ soke nipa iriri aye mi lati ṣe iwuri fun awọn obi bii temi bayii.
