Oluwo of iwo: Ojú olorì tuntun tí yóò wọ ilé Oluwo lónìí rèé
Oríṣun àwòrán, Oluwo
Oluwo ti ilu Iwo, Ọba Abdulrosheed Akanbi ti ṣi aṣọ loju eegun olori rẹ tuntun.
Ọba Akanbi lo fi oju olori naa lede ninu atẹjade kan to fi ṣọwọ di BBC Yoruba lọjọ Abamẹta.
Ṣaaju ni a ti kọkọ jabọ fun yin pe Oluwo yoo gbe ọmọba Ado Bayero ti ilu Kano ni iyawo lonii, ọjọ kọkandinlogun, oṣu Kẹta, ọdun 2022.
- Taa ni Firdauz Abdullahi, ọmọbabìnrin Kano, olòrì tuntun tó ń wọ Ààfin Oluwo lónìí?
- Ẹ wo ìgbàradì l'Áàfin de Olorì tuntun Firdaus aya Oluwo ti Iwo
- Wo tọkọ-taya kan ní Ukraine tó ń kọ́ ìṣẹ́ ológun nítorí ogun Russia
- Bí Tinubu bá fi lè di Ààrẹ, máa kúrò ní Nàìjíríà - Bode George
- Ìjọba àpapọ̀ ti gbé ìwé àlàyé jáde lórí àyípadà tí yóò bá iná ọba kó máa wá déédé
- Òrùka táwọn òbìrin ń lò sí ojú ara rèé, mọ̀ síì nípa rẹ̀
Orukọ olori tuntun naa ni ọmọba Firdauz Abdullahi.
Iroyin ni igbeywo naa yoo waye nile Madakin ti ilu Kano laagọ mọkanla aarọ.
Oríṣun àwòrán, Oluwo
Lẹyin naa ni wẹjẹ-wẹmu yoo tẹle ni aafin Emir ilu Kano, Alhaji Aminu Ado Bayero laago mẹrin irọlẹ.
Igbeyawo Oluwo akọkọ fori ṣọpọn
Kii ṣe igba akọkọ ree ti Ọba Abdulrosheed Akanbi yoo ṣe igbeyawo.
Ṣaaju lo ti kọkọ fẹ obinirin kan, Chanel Chin, to jẹ ọmọ orilẹ-ede Jamaica.
Amọ igbeyawo naa tuka lẹyin oniruru ede aiyede laarin awọn mejeji, ti obinrin ọhun si fi Oluwo silẹ, to si ba tirẹ lọ lẹyin to bi ọmọ kan fun un.
Chanel Chin sọ fun akọroyin ati ninu oniruru atẹjade to maa n gbe sori ayelujara pe inu oun ko dun ninu igbeyawo naa, ati pe ọkan oun ko bale nibẹ.
