Oluwo Olakunle Deeper Life Herbalist: Ìyá mi àtàwọn Pásítọ ṣe “deliverance” fún mi, kò ràn an, wọ́n padà kọ̀ mí l'ọ́mọ torí ifá

"Mo maa n mọ lara mi pe ẹmi mii (Eṣu) maa n ba le mi ti mo ba wa n'ile ifa".

Inu ẹsin igbagbọ awọn ọmọlẹyin Kristi koda inu ijọ Deeper Life ni wọn bi Oluwo Olakunle si amọ to sọ irinajo rẹ wọ inu didi Onifa ati ogbontarigi Babalawo fun BBC Yoruba.

"Mo ti ba Eṣu rin, mo ti ba Eṣu jẹ, mo ti ba Eṣu mu, mo si rii wipe olootọ aye yii ni Eṣu. Kò sí ọrọ tí wọn ń sọ ní Ṣọọṣì tó ń wọ etí mi mọ, mo kàn lọ sí ilé ìjọsìn torí àwọn òbí mi ni".

Ẹni ọdun mọkandinlọgbọn ni Babalwawo to mọ iṣẹ doju rẹ doju ami yii bo tilẹ jẹ pe o sọ fun wa pe awọn obi oun jẹ ọmọ ijọ onigbagbọ Deeper Life pọnbele ti wọn n ṣe ẹsin igbagbọ tọkantọkan.

Ki wa lo de, ba wo lo ṣe rin in to gbe igba Babalawo sori?

Oluwo Olawole Olakunle ni awọn ẹlẹsin ifa kan lo jẹ iwuri fun oun ti ẹsin naa fi wu u. Wọn n gbe lẹgbẹ ile wọn.

"Mi ò kí ń ṣe Oníṣègùn, ògbólógbòó Babaláwo akẹyọ ni mí, Onífá ni mí, Ẹlẹbọ ni mí".

Oríire ńla ni ìdájọ́ El-Zakzaky jẹ́ lẹ́yìn ọdún mẹ́fà ní ọgbà ẹ̀wọ̀n - IMN

Baba Ijesha: Wọ́n gbé ọmọdé kan wá sílé ẹjọ́ kó wá jẹ́rìí sí ẹ̀sùn Baba Ijesha àti Princess

A dúpẹ́ kò sí ọmọ ilé ẹ̀kọ́ Bethel Baptist School tí wọ́n fipa bá lòpọ̀ nígbèkùn ajínígbé - Ààrẹ Baptist

Oluwo yii ni awọn obi oun kọ oun lọmọ nigba to yan ọna ẹsin ifa. O ni ipa ati erongba oun gẹgẹ bi ọdọ Babalawo ni lati ran awọn ọdọ atawọn iran to ṣẹṣẹ n bọ lati pada si ọna ipilẹ aṣa ati iṣẹṣe awọn baba nla baba wọn gẹgẹ bi ọmọ Afirika.

O ni iṣẹ Babalawo jẹ eyi to bu iyi kun eeyan to wuu ki gbogbo eeyan koda to fi mọ awọn obi oun mọ ki wọn si gba eyi gbọ lọjọ kan.