Bose Okeowo: Àárẹ̀ kékeré ló sọ mi dí aláàbọ̀ ara yìí ṣùgbọ́n...

Mi kò kọ́ iṣẹ́ ayaworan yii, funra mi ni mo kọ ara mi niṣẹ- Bose Okeowo

Bose Okeowo to jẹ akanda ẹda to n yaworan ni BBC ba lalejo bayii.

Bose salaye ni kikun ohun to sọ ohun di alaabọ ara.

Koda, o menuba ibanujẹ ti ipenija yii ti funun ko to di ayaworan ti igba oju n mọ bayii.

Bose ni oun ko kọ iṣẹ ayaworan nibikibi bikoṣe pe ẹbun Olorun lo jẹ.

O sọ bi oun ṣe nifé lati maa ya awón eeyan pataki lawujọ nitori pe iṣẹ aworan yiya naa ti sọ oun di ẹni pataki.

Bose Okeowo gba awọn akanda bii tirẹ nimọran pe ki wọn tẹpa mọṣẹ, ki wọn ṣawari talẹnti ti Olorun fun wọn, ki wọn si ṣamulo ẹbun won.

Grace Okeowo ati Okeowo Oladeji to jẹ iya ati baba Bose Okeowo naa ba BBC Yoruba sọrọ.

Koda, Oba ilu Ọtun naa gboriyin fun Bose pe ko jẹ ki aabọ ara dii lọwọ lati gbe ogo ara rẹ ga.