Россия Бош прокуратураси: 1954 йилда Қрим топширилиши ноқонуний бўлган
Сурат манбаси, AP
Россия Бош прокуратурасининг баёнотига кўра, РСФСР ва СССР Олий Кенгашлари Президиумларининг 1954 йилда Қримни РСФСР таркибидан Украина ССР таркибига ўтказиш қарорлари Россия ва собиқ Совет Иттифоқининг конституцияларига зид бўлган.
Бу ҳақида "Справедливая Россия" (Адолатли Россия) партиясининг Бош прокуратурага йўллаган мактубига жавобда айтилади.
"РСФСР ё СССР конституциясида РСФСР ва СССР Олий Кенгашлари Президиумларига мухтор совет социалистик республикаларининг конституцион-ҳуқуқий мақомини ўзгартириш ваколати берилмаган", - дейилади Бош прокуратуранинг жавоб хатида.
"Справедливая Россия" партиясининг раҳбари Сергей Миронов аввалроқ Россия Бош прокурори Юрий Чайкага мактуб йўллаб, Қримни Украина таркибига ўтказиш борасидаги 1954 йилги қарорнинг нақадар конституциявий эканини ўрганиб чиқишни сўраганди.
Россия 2014 йил мартида Қримни қўшиб олиб халқаро норозиликларга юз тутди.
Қрим аннексиясини халқаро ҳамжамият тан олгани йўқ, Украина эса бу ярим оролни ўзининг Россия ишғоли остидаги ҳудуди деб билади.
Москванинг Қримни қўшиб олиш қарори туфайли Оврўпо Иттифоқи Россияга қарши жазо чораларини киритган ва бу чоралар ўтган ҳафта яна бир йилга узайтирилди.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
Instagram – BBC UZBEK
Twitter – BBC UZBEK
Odnoklassniki – BBC UZBEK
Facebook- BBC UZBEK
Google+ BBC UZBEK
YouTube - BBCUZBEK (https://www.youtube.com/user/bbcuzbek)
Skype - bbcuzbekradio
